Lamɛnteshɔn 5:1 - Krio Fɔs Oli Baybul

¹ PAPA GƆD, mɛmba ɔl wetin dɔn bi to wi; luk wi ɛn si we wi dɔn disgres!

Lamɛnteshɔn 5:1 Referans Kwoze

Abakɔk 3:2

“PAPA GƆD, a dɔn yɛri bɔt wetin yu dɔn du, ɛn i ful mi mɔt ɛn mek a fred. Naw, we wi de so, du wetin yu bin dɔn du lɔntɛm; naw, we wi de so, lɛ ɔlman no bɔt wetin yu kin du. We yu vɛks sɛf, sɔri fɔ wi.

Lamɛnteshɔn 3:61

“PAPA GƆD, yu dɔn yɛri we dɛn de provok mi, ɔl di kayn we we dɛn de fɛn fɔ du mi bad.

Lamɛnteshɔn 3:19

Mɛmba di sɔfa we a de sɔfa, we tan lɛk we dɛn fos pɔsin fɔ drink gbangba!

Lamɛnteshɔn 2:15

Ɔlman we de pas kin shɔk we dɛn si yu; dɛn de sɔktit ɛn shek dɛn ed we dɛn si Jerusɛlɛm in gyal pikin; “Na di siti dis we dɛn bin de kɔl di wan we fayn pas ɔl, di gladi gladi na di wɔl?”

Jɛrimaya 15:15

E PAPA GƆD, yu no; mɛmba mi ɛn ɛn ɛp mi, ɛn rivɛnj fɔ mi pan di wan dɛm we de du mi bad. Nɔ peshɛnt wit dɛn te dɛn kil mi; no se fɔseka yu a de bia shem.

Di Sam Dɛm 79:12

PAPA GƆD, mek wi neba dɛn sɔfa sɛvin tɛm mɔ fɔ ɔl di kɔs we dɛn dɔn kɔs yu.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Nɛimaya 4:4

A pre se, “PAPA GƆD, duya yɛri we dɛn de provok wi. Mek ɔl wetin dɛn se, tɔn bak pan dɛn ɛn mek dɛn kech dɛn ɛn kɛr dɛn go na ɔda kɔntri bay fos.

Lyuk 23:42

Dɛn i tɔn to Jizɔs ɛn se, “Jizɔs, duya, mɛmba mi, sa, wɛn yu kam wit pawa fɔ rul lɛkɛ Kiŋ!”

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Job 10:9

Nɔ fɔgɛt se na dɔti yu tek mek mi, Yuwan mek a tɔn dɔti bak?

Job 7:7

Nɔ fɔgɛt se mi layf tan lɛk briz; i tan lɛk na dɔn mi yon ɛnjɔymɛnt dɔn so.

Nɛimaya 1:8

“Mɛmba wetin yu tɛl yu savant Mozis. Yu se if wi nɔ du wetin yu want wi fɔ du, yu go skata wi ɔlɔbɔt,

Nɛimaya 1:3

Dɛn se ɔltin nɔ fayn fɔ di wan dɛn we nɔ bin de ɛgzayl. Dɛn se dɛn de pan trɔbul ɛn dɛn trenja dɛn de laf dɛn ɛn fityay dɛn. Dɛn tɔk bak se, dɛn brok di wɔl rawnd Jerusɛlɛm ɛn bɔn di get dɛn kpatakpata.

Di Sam Dɛm 119:153

Luk di sɔfa we a de sɔfa ɛn sɔri fɔ mi, bikɔs a nɔ go ɛva fɔgɛt wetin yu lɔ se.

Ayzaya 62:6

E Jerusɛlɛm, na pantap yu wɔl dɛn, A dɔn put wachman dɛm; ol de, ol nɛt dɛn nɔ go ɛva kwayɛt.. Yu we de mek PAPA GƆD de mɛmba. Nɔ blo atɔl,

Lamɛnteshɔn 3:50

tete PAPA GƆD we kɔmɔt ɛvin luk dɔŋ ɛn si wetin de apin;

Di Sam Dɛm 74:18

PAPA GƆD mɔs mɛmba aw yu ɛnimi dɛn dɔn de provok yu, aw ivin di fulish pipul de laf yu nem.

Jɛrimaya 51:51

‘Wi de shem, bikɔs wi dɔn yɛri disgresful tin; disrɛspɛkt dɔn mek wi kɔba wi fes, bikɔs trenja dɛn dɔn kam insay di oli ples dɛm na PAPA GƆD in os.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Lamɛnteshɔn 1:11

Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”