Lamɛnteshɔn 4:9 - Krio Fɔs Oli Baybul

⁹ Di wan dɛn we dɛn bin kil na di wa bɛtɛ pas di wan dɛn we aŋri kil, we aŋri mɔna te dɛn day bikɔs dɛn nɔ gɛt it fɔ it.

Lamɛnteshɔn 4:9 Referans Kwoze

Izikɛl 24:23

Una tɔban dɛn go de na una ed ɛn una sus dɛn go de na una fut; una nɔ go munin ɔ kray, bɔt una go munin fɔ una sin ɛn pini na una chɛst to una kɔmpin.

Lɛvitikɔs 26:39

Di wan dɛn we lɛf go jɛs wes na di ɛnimi dɛn land bikɔs ɔf dɛn sin dɛn ɛn bikɔs dɛn fɔstɛm-papa dɛnsɛf bin dɔn sin.

Izikɛl 33:10

“Ɛn yu mɔtalman in bɔypikin, tɔk to di Izrɛl pipul se, na dis una bin se: wi bad tin dɛn we wi de du, ɛn wi wikɛdnɛs dɛn, de pan wi, ɛn wi de day slo wan fɔseka dɛm; so aw wi go ebul fɔ liv?’

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Ɛksodɔs 16:3

i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

2 Kiŋ 25:3

Bay di tɛm we i de rich di nayn na di mɔnt we mek fɔ mɔnt na di ia, bad bad aŋri bin dɔn bigin mɔna di pipul dɛn ɛn natin nɔ bin de igen fɔ it.

Ditarɔnɔmi 28:51

Na aŋri go kil di Izrɛlayt dɛn bikɔs, di pipul dɛn go tek ɔl dɛn animal dɛn we dɛn de mɛn, dɛn pikin dɛn, ɛn ɔl wetin go gro na dɛn fam dɛn. Dɛn go tek dɛn sid dɛn we dɛn kip fɔ it, ɛn dɛn wayn, dɛn ɔyl ɛn dɛn kaw ship ɛn got dɛn; natin dɛn nɔ go lɛf fɔ dɛn.

Ayzaya 22:2

una we ɔltɛm na so so ala ala una de pan, siti we pak wit nɔys, siti we lɛk gladi gladi? Una we nɔto sɔd ɔ wa kin kil di wan dɛn we de day pan una.

Izikɛl 4:16

Pantap dat, i tɛl mi se, “Mɔtalman, a go tap it sɔplay na Jerusɛlɛm; na we dɛn go de we bred fɔ it, ɛn dɛn go de fred we dɛn de it am; na mɛnshɔ dɛn go de mɛnshɔ wata fɔ drink ɛn na wit pwɛl at.

Izikɛl 7:15

Wa go kil pipul na do, siknɛs ɛn aŋri de kil pipul dɛn insay. Na sɔd go kil di wan we de na fil; as fɔ di wan dɛn we de na di siti, na aŋri ɛn siknɛs go kil dɛn.