Lamɛnteshɔn 4:19 - Krio Fɔs Oli Baybul

¹⁹ Di wan dɛn we bin wan kil wi bin fast pas aw yuba de flay na di skay; dɛn rɔnata wi na dɛn il dɛn, dɛn ambush wi na di dray ɛn ɛmti ples we pɔsin nɔ go ebul tap.

Lamɛnteshɔn 4:19 Referans Kwoze

Abakɔk 1:8

Dɛn ɔs dɛn de rɔn pas lɛpɛt ɛn dɛn de biev lɛk aŋri wulf; dɛn man dɛn de rayd dɛn ɔs kɔmɔt fawe wit spid lɛk igul fɔ kam pwɛl wetin dɛn ebul.

Jɛrimaya 4:13

Una luk, i de kam lɛkɛ klawd, in ɔs ɛn karej dɛm tan lɛkɛ wɛn da ebi ebi briz we de tɔn rawnd wit spid, de blo; in ɔs dɛn de rɔn pas dɛn igul – swɛ dɔn fɔdɔm pan wi, bikɔs wi yon dɔn dɔn!

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Ditarɔnɔmi 28:49

Na pipul dɛn we de fawe PAPA GƆD go mek trit dɛn bad; pipul dɛn we kin fɔdɔm pan pipul dɛn lɛkɛ we ak kin fɔdɔm pan fɔl pikin, ɛn dɛn nɔ go sabi dɛn laŋwej.

Emɔs 2:14

Dɛn wan we ebul rɔn nɔ go ebul fɔ rɔn, yu we gɛt trɛnk, nɔ abop pan yu trɛnk ɛn yu we na tɔf soja nɔ go ebul sev yu layf.

Lɛvitikɔs 26:36

I se i go mek di wan dɛn we lɛf nɔ biliv pan dɛnsɛf; if lif shek sɛf, dɛn go fred se dɛn ɛnimi dɛn de rɔnata dɛn; dɛn go de rɔn lɛk udat de rɔn kɔmɔt na wa bɔt nɔbɔdi nɔ go de rɔnata dɛn.

Jɛrimaya 16:16

“PAPA GƆD se, “Biliv mi, a de sɛn fɔ bɔku fishaman dɛm, ɛn dɛn go kech dɛm; afta dat, a go sɛn fɔ bɔku ɔntin man dɛm, ɛn dɛn go ɔntin dɛm na ɔl di mawnten ɛn ɔl dɛn il, ɛn ɔl di ol dɛm na dɛn rɔk.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Ozie 8:3

Dɛn dɔn lɛf fɔ du wetin gud so a go mek di ɛnimi dɛn rɔnata dɛn.