Lamɛnteshɔn 4:16 - Krio Fɔs Oli Baybul

¹⁶ Na PAPA GƆD in sɛf sɛf skata dɛn, i nɔ bisin bɔt dɛn igen; di man dɛn we de mek sakrifays fɔ pipul sin nɔ bin gɛt wan rɛspɛkt igen, nɔbɔdi nɔ bin de du di bigman dɛn gud igen

Lamɛnteshɔn 4:16 Referans Kwoze

Lamɛnteshɔn 5:12

Dɛn de ɛŋ wi bigman dɛn wit dɛn an; dɛn nɔ gi dɛn wan rɛspɛkt.

Di Ibru Pipul Dɛn 8:9

Dis nyu agrimɛnt ya nɔ go tan lɛkɛ di wan we a bin mek wit dɛn granpapa-papa dɛn, da tɛm we misɛf bin tek dɛn kɔmɔt na Ijipt. Dɛn bin pwɛl di agrimɛnt we a mek wit dɛn, so a bin lɛf dɛn to dɛnsɛf.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Ditarɔnɔmi 32:26

A bin fɔ dɔn kil dɛn ɔl lɔntɛm so nɔbɔdi nɔ go mɛmba dɛn.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Jɛrimaya 15:4

Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Di Sam Dɛm 106:44

Bɔt we dɛn pre ɛn kɔmplen i yɛri dɛn ɛn ansa dɛn prea;

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

Jɛnɛsis 49:7

Swɛ go de pan dɛn bikɔs dɛn vɛks wan nɔ gud fɔ si. A go mek dɛn jɛnareshɔn skata ɔlsay na Izrɛl ɛn dɛn nɔ go tap bay dɛnsɛf.

Jɛrimaya 52:24

Di kapten pan di gyadman dɛm tek Sɛraya we na di edman fɔ di man dɛn we de mek sakrifays fɔ pipul sin wit in asistant we na Zɛfanaya ɛn di tri getman dɛn;

Lamɛnteshɔn 2:6

I dɔn brok in os lɛk we dɛn de brok fam os, pwɛl pwɛl ɔl di ples dɛn we dɛn de ol di difrɛn fist dɛm; PAPA GƆD dɔn mek dɛn tap di difrɛn difrɛn fist dɛn na Zayɔn ɛn di de we nɔ fɔ wok, ɛn we i vɛks, i dɔn pul ɔl wetin dɛn de tek blɔf pan ɔl dɛn kiŋ ɛn man dɛn we de mek sakrifays fɔ pipul sin.

Di Sam Dɛm 106:27

I go mek ɔda neshɔn dɛn kil dɛn dɔn udat nɔ day, i go skata dɛn jɛnareshɔn dɛn ɔlɔbɔt.

Ayzaya 24:2

Na jɛs lɛk aw i bi to di pipul dɛn, na so i go bi wit di man we de mek sakrifays fɔ pipul sin; aw i bi to di slev, na so i go bi to in masta; aw i bi to di yɔŋ titi we de wok, na so i go bi to in misis; aw i bi to udat de bay, na so i go bi to udat de sɛl; aw i bi to udat de lɛnt, na so i go bi to udat de go lɛnt; aw i bi to udat de trɔs pipul, na so i go bi to udat de go trɔs.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Izikɛl 5:10

Ɛn na so di papa dɛn we de midul una go it dɛn bɔypikin dɛm ɛn dɛn bɔypikin go it dɛn papa dɛn; ɛn a go kɛriawt di jɔjmɛnt dɛm pan una ɛn ɛniwan pan una we nɔ day a go skata am ɔlsay we briz de blo.