Lamɛnteshɔn 4:1 - Krio Fɔs Oli Baybul

¹ Luk aw wi gold dɛn dɔn dɔl, aw piɔ gold dɔn chenj! Di oli ston dɛm ɔl skata na ɔl dɛn trit jɔnkshɔn.

Lamɛnteshɔn 4:1 Referans Kwoze

Lamɛnteshɔn 2:19

Grap, ala we nɛt kam, dɛn twɛlv, tu ɛn fo oklɔk mɔnin so! Ɛmti yu at lɛk wata bifo PAPA GƆD! Es yu an ɔp to am fɔ dɛn pikin dɛn layf we aŋri de kil, na ɛni trit we yu tɔn.

Ayzaya 1:21

Da siti we bin de rɛspɛkt mi dɔn tɔn rare gyal, in we bin sabi trit ɔlman di sem! Nainsay am, fɔ waka tret na PAPA GƆD in yay, bin tap, bɔt naw, na mɔdra dɛn tap de.

Matyu 24:2

Jizɔs tɛl dɛn se, “Una si ɔl dis, nɔto so? A de tɛl una se, dɛn go skata dɛn, wan ston nɔ go lɛf pantap in kɔmpin.”

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Ayzaya 14:12

“Luk we yu dɔn fɔdɔm kɔmɔt na ɛvin, Yu De tɛm sta, Doklin bɔypikin! Luk we yu fɔdam kan dɔŋ na grɔn, yu we bin nyama nyama di neshɔn dɛm!

Mak 13:2

Jizɔs se, “Una si dɛn big bildin ya? Tɛm de kam we dɛn ɔl go fɔdɔm, ɛn wan ston nɔ go lɛf pantap in kɔmpin.”

Izikɛl 22:18

“Mɔtalman in bɔypikin, Izrɛl dɔn wɔtlɛs to mi; dɛn ɔl, silva, bras ɛn tin ɛn ayɛn ɛn lɛd we de insay di big ovin, ɔl dɛn wɔtlɛs.

Mayka 1:6

Fɔseka dat PAPA GƆD se i go pwɛl Sameria ɛn mek i bi lɛkɛ aw dɔti de payl na grɔn na di opin fil. Nɔn bɛtɛ tin dɛn nɔ go plant de pas i bi ples fɔ plant greps gadin. Dɛn nɔ go ebul gɛda in stonston sɛf fɔ du ɛni ɔda tin.