Lamɛnteshɔn 3:59 - Krio Fɔs Oli Baybul

⁵⁹ PAPA GƆD, yu dɔn si ɔl di bad tin dɛn we dɛn de du mi; bi di jɔj.

Lamɛnteshɔn 3:59 Referans Kwoze

Di Sam Dɛm 43:1

PAPA GƆD, fɛt mi kes nɔ ɛn pul mi kɔmɔt na di pipul we nɔ no yu dɛn an; sev mi frɔm pipul we de pan lay ɛn de du bad bad tin.

Pita In Fɔs Lɛta 2:23

Wɛn pɔsin tɛl am wɔd we go at am, i nɔba tɛl dɛn wɔd we go at dɛn bak; wɛn pipul mek i sɔfa, i nɔba se in go mek dɛnsɛf sɔfa, bɔt i kin lɛf in kes na Gɔd an, bikɔs na Gɔd de jɔj tret wan.

Di Sam Dɛm 35:1

PAPA GƆD dil wit dɛn wan we de fɔ mɛmba bad fɔ mi; fɛt dɛn wan we de fɔ fɛt mi.

Di Sam Dɛm 26:1

PAPA GƆD, tɔk fɔ mi nɔ, bikɔs a nɔ gɛt nɔn bɔt na mi layf. Na PAPA GƆD we na mi PAPA GƆD a abop pan ɛn a nɔ de yɛk.

Di Sam Dɛm 9:4

Yu dɔn tinap fɔ mi ɛn yu no se a rayt. Yu sidɔm ɔp yu tron ɛn yu de jɔj rayt.

Jɛnɛsis 31:42

If nɔto fɔ PAPA GƆD, di PAPA GƆD we na mi papa in PAPA GƆD, ɛn Ebraam insɛf yon PAPA GƆD, we Ayzak de fred, a no se yu bin fɔ dɔn drɛb mi ɛn nɔ gi mi natin. PAPA GƆD insɛf si se a dɔn sɔfa ɛn a dɔn wok fɔ yu, nain mek i apia to yu yɛstade nɛt ɛn wɔn yu fɔ kɔmɔt biɛn mi.”

Di Sam Dɛm 35:23

wek, grap lɛ yu kam ɛp mi E PAPA GƆD! Fɛt mi kes fɔ mi

Jɛrimaya 15:10

Trɔbul dɔn mit mi o, mi mami, we yu bɔn mi fɔ de gɛt kɔntɔfili ɛn waala wit ɔlman na di land! A nɔ trɔs to nɔbɔdi wande ɛn a nɔ lɛnt nɔbɔdi, pan ɔl dat, dɛn ɔl de kɔs mi.

Jɛnɛsis 30:6

Nain Rechɛl se, “PAPA GƆD dɔn tɔk fɔ mi. I yɛri mi prea ɛn i gi misɛf bɔypikin” I gi am nem Dan.

Di Sam Dɛm 10:14

Bɔt yu, PAPA GƆD, de si ɛn no ɔltin; yu de si di sɔfa we pipul de sɔfa ɛn yu rɛdi fɔ fɛt dɛn kes. Na yu nɔmɔ dɛn de luk ɔp to. Yu na lɛk papa to udat nɔ gɛt nɔbɔdi.

Lamɛnteshɔn 3:36

fɔ lɛ dɛn nɔ gri lɛ pɔsin gɛt in rayt, PAPA GƆD nɔ de gri fɔ dat.

Lamɛnteshɔn 3:60

“Yu dɔn si ɔl di wamat we dɛn de pul pan mi, ɔl di kayn we we dɛn de fɛn fɔ du mi bad.