Lamɛnteshɔn 3:57 - Krio Fɔs Oli Baybul

⁵⁷ ‘Yu bin kam nia mi we a kɔl yu; yu bin se, ‘Nɔ fred!’

Lamɛnteshɔn 3:57 Referans Kwoze

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Ayzaya 58:9

Datɛnde, yu go kɔl PAPA GƆD ɛn I go ansa; yu go kray to am, ɛn i go se, Luk Mi na ya. “If yu pul una prɔblɛm dɛn kɔmɔt na una ed we na pɔynt finga ɛn bad at,

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Ayzaya 41:14

Nɔ fred, yu Jekɔb we na wɔrɔm, una di man dɛn na Izrɛl! PAPA GƆD se, a go ɛp una; di wan we de sev una na di Oli Wan na Izrɛl.

Di Sam Dɛm 145:18

PAPA GƆD rɛdi fɔ ɛp ɔl udat kɔl am fɔ ɛp dɛn, mɔ so, dɛn wan we de kɔl am wit ɔl dɛn at.

Apɔsul Dɛn Wok 27:24

Di enjɛl se, ‘Pɔl, nɔ fred! Yu go tinap bifo di kiŋ na Rom; ɛn Gɔd dɔn se una ɔl go rich Rom ɛn nɔbɔdi nɔ go day.’

Apɔsul Dɛn Wok 18:9

Wan nɛt, Gɔd sho Pɔl sɔntin; i tɛl am se, “Nɔ fred, yu nɔ fɔ taya fɔ tɔk di mɛsej we a tɛl yu fɔ tɔk,

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Di Sam Dɛm 69:18

Fɔ mek mi ɛnimi dɛn kɔle, kam nia mi ɛn sev mi; pul di waala we a fɔ gɛt kɔmɔt pan mi

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Di Ibru Pipul Dɛn 7:19

Di Lɔ dɛn we Gɔd bin gi Mozis nɔ bin gɛt pawa fɔ mek ɔltin rayt bitwin mɔtalman ɛn Gɔd. Gɔd dɔn briŋ pɔsin we pas di Lɔ dɛn we i bin gi Mozis, ɛn na dis pɔsin ya wi abop pan fɔ mek wi kam klos Gɔd.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

2 Kiŋ 19:6

i tɛl dɛn se lɛ dɛn tɛl di kiŋ se PAPA GƆD se lɛ i nɔ fred, lɛ i nɔ yɛk sɛf, pan ɔl we di kiŋ na Asiria in bɔbɔ dɔn tɔk bad bɔt am.

Di Sam Dɛm 138:3

Wɛn a de pre, yu de ansa; yu dɔn mek a gɛt mɔ zil.