Lamɛnteshɔn 3:53 - Krio Fɔs Oli Baybul

⁵³ dɛn trowe mi insay dip dip ol we a nɔ day yet ɛn wap wap mi wit ston;

Lamɛnteshɔn 3:53 Referans Kwoze

Daniɛl 6:17

Nain dɛn tek wan ston ɛn kɔba di ples we dɛn layɔn dɛn de in domɔt. Nain di kiŋ stamp am wit in stamp we de nain riŋ ɛn wit di bigman dɛnsɛf yon stamp so dat natin nɔ go chenj pan Daniɛl in kes.

Jɛrimaya 38:9

“Mi masta we na di kiŋ, dɛn man ya dɔn du bad bay wetin dɛn du to Jɛrimaya we na prɔfɛt, we dɛn put am insay da wɛl; ɛn i go day de wit angri, bikɔs nɔn it nɔ lɛf na di siti.”

Jɛrimaya 38:6

So dɛn tek Jɛrimaya ɛn ib am insay Prins Malkaya we na di kiŋ in bɔypikin in wɛl, we bin de na di pales yad, Na rop dɛn tek put am dɔŋ de. Nɔn wata nɔ bin de de pas pɔtɔpɔtɔ so Jɛrimaya sink insay di pɔtɔ pɔtɔ.

Jɛrimaya 37:16

We dɛn bin dɔn put Jɛrimaya na di ɔndagrɔn sɛl dɛm, ɛn i dɔn de de fɔ lɔŋ,

Matyu 27:66

So dɛn tek sɔntin fasin di ston tayt na di grev domɔt, dɔn dɛn lɛf soja man dɛn fɔ gyad am.

Matyu 27:60

dɔn i go bɛr Jizɔs insay in yon ston grev we dɛn bin jɛs dig. I rol wan big ston kɔba di grev domɔt, ɛn go.

Jɛrimaya 37:20

Naw, a beg yu mi lɔd ɛn mi kiŋ, lisin to mi: lɛ di beg we a de beg tɔch yu at, ɛn duya, nɔ sɛn mi go bak na Jonɛthan we na di sɛktri in os, if nɔso, a go day de.”

Jona 2:1

So Jona pre to PAPA GƆD we i de insay di fish in bɛlɛ,

Daniɛl 6:18

Nain di kiŋ go nain pales ɛn nɔ it ɔ drink ɛnitin ol nɛt. I nɔ mek dɛn briŋ ɛnitin we go mek in at gladi, ɛn slip lɔs pan am.