Lamɛnteshɔn 3:42 - Krio Fɔs Oli Baybul

⁴² “Wi dɔn du bad ɛn dɔn kɔmɔt biɛn yu, ɛn yu nɔ fɔgiv wi.

Lamɛnteshɔn 3:42 Referans Kwoze

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Zɛkaraya 1:5

I aks am se usay dɛn fɔstɛm-papa dɛn de naw, ɛn di prɔfɛt dɛn, if dɛn liv sote go.

Izikɛl 24:13

Di rɔsti na yu dɔti dɔti rudnɛs. Bikɔs a bin fɔ dɔn klin yu, ɛn bikɔs yu nɔ bin klin kɔmɔt pan yu dɔti we yu dɔti, yu nɔ go ɛva klin igen te a dɔn satisfay mi vɛksteshɔn pan yu.

Lamɛnteshɔn 5:16

Ɔl wi blɔf dɔn dɔn; wi dɔn gɛt wahala bikɔs wi dɔn kɔmit sin.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

2 Kiŋ 24:4

mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.

Di Sam Dɛm 107:11

afta we dɛn bin dɔn tɔn dɛn bak pan wetin PAPA GƆD se ɛn nɔ bisin bɔt wetin PAPA GƆD Ɔlmayti de tich.

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Ɛzra 9:6

A pre se, “E mi GƆD, a de shem pan yu. A nɔ fit fɔ luk ɔp usay yu de bikɔs wi sin bɔku. I ay pas wi ed te rich ɔp usay yu de.

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.