Lamɛnteshɔn 3:3 - Krio Fɔs Oli Baybul

³ I de bit mi bad bad wan, ol de, i de bit bit mi.

Lamɛnteshɔn 3:3 Referans Kwoze

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Ayzaya 1:25

A go dil wit una A go mɛlt dɔti kɔmɔt pan una lɛk we dɛn mɛlt ayɛn ɛn pul ɔl wetin mek una nɔ piɔ igen.

Job 31:21

if mi dɔn ɛva bit pikin we in papa dɔn day bikɔs a no se a go win am na kot;

Ditarɔnɔmi 29:20

PAPA GƆD nɔ go fɔgiv da pɔsin de. Bifo dat, PAPA GƆD go put in vɛksteshɔn ɛn in jɛlɔs pan am, ɛn go put ɔl di swɛ dɛn we rayt na dis buk pan am, ɛn PAPA GƆD go mek i day ɛn nɔn pan in pikin dɛn nɔ go de fɔ tek mɛmba am.

Di Sam Dɛm 38:2

Di aro we yu shut dɔn mit mi, ɛn yu dɔn wap mi dɔŋ.

Job 6:4

PAPA GƆD in aro dɔn chuk mi; di pɔyzin dɔn sok insay mi bɔdi; PAPA GƆD dɔn rɛdi fɔ sho mi pɛpɛ.

Job 16:12

A bin de fayn fayn wan, nain PAPA GƆD kam nyakanyaka mi; I ol mi bay mi nɛk ɛn wap mi mek a skata; I tek mi mek tagɛt fɔ shut,

Job 19:21

Una sɔri fɔ mi, mi padi dɛn, una sɔri fɔ mi, bikɔs na PAPA GƆD in an dɔn wap mi dɔŋ.