Lamɛnteshɔn 3:25 - Krio Fɔs Oli Baybul

²⁵ PAPA GƆD gud to di wan dɛn we biliv am, dat na di pɔsin we de pre to am.

Lamɛnteshɔn 3:25 Referans Kwoze

Ayzaya 40:31

bɔt di wan dɛn we biliv PAPA GƆD go gɛt frɛsh trɛnk, dɛn go flay go ɔp wit fɛda lɛk igul, dɛn go rɔn ɛn dɛn nɔ go taya; dɛn go waka ɛn dɛn nɔ go fil wik.

Di Sam Dɛm 37:34

I go mek yu ed big we yu go go na di land; ɛn yu go si we i de dɔnawe wit di bad man.

Ayzaya 25:9

Dɛn go tɔk da de de se, “Yɛs, na wi Gɔd dis; wi dɔn wet am lɛ i go sev wi. Dis na PAPA GƆD; wi dɔn wet am; lɛ wi gladi ɛn gladi fɔ di sev we i sev wi.”

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Di Sam Dɛm 27:14

Put yu trɔs pan PAPA GƆD. Nɔ giv ɔp put yu at dɔŋ. Put yu trɔs pan PAPA GƆD.

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

2 Kronikuls 31:21

Ɛn ɛni wok we i du fɔ sav PAPA GƆD in os, akɔdin to di Lɔ ɛn de kɔmand dɛm, de pre ɛn rid Papa Gɔd in wɔd. I du am wit ɔl in at ɛn prɔspa.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Ozie 10:12

So udat plant sid we raychɔs go gɛt lɔv we nɔ de chenj fɔ in avɛst; tɛm dɔn rich we ɔlman fɔ tray no ɛn du wetin PAPA GƆD want dɔn i go mek bɛtɛ fala ɔlman.

Ayzaya 64:4

Frɔm di wɔl bigin, nɔbɔdi nɔ yɛri ɔ ɔndastand wit in yes, nɔn yay nɔ si ɛni ɔda Gɔd apat frɔm yu, we de wok fɔ dɛn wan we biliv am.

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

Ayzaya 55:6

PAPA GƆD se “Luk fɔ PAPA GƆD di tɛm we mɔtalman kin ebul fɛn am, pre to am we i de nia;

Di Sam Dɛm 61:5

PAPA GƆD yu dɔn yɛri wetin a bin prɔmis yu, yu dɔn gi wetin yu bin prɔmis to ɔl udat de fred ɛn rɛspɛkt yu.

Di Sam Dɛm 39:7

“Mi Masta, wetin a fɔ du naw? Na yu nɔmɔ a de luk ɔp to.

Di Sam Dɛm 27:8

Yu dɔn tɛl mi se, na yu a fɔ put mi at pan; PAPA GƆD misɛf no se a fɔ put mi at pan yu.

Di Sam Dɛm 25:8

PAPA GƆD gud ɛn i nɔ gɛt bɛnbɛn; so i de tich di sina aw fɔ biev.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Di Sam Dɛm 119:2

Dɛn pipul we de du wetin PAPA GƆD se fɔ du, wit ɔl dɛn at, gɛt blɛsin.

Jɛnɛsis 49:18

“E papa PAPA GƆD, a de wet fɔ mek yu pul mi kɔmɔt pan waala!

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!

Zɛfinaya 3:8

PAPA GƆD se lɛ dɛn jɛs wet fɔ di tɛm we in go rɛdi fɔ tɔk bɔt ɔl wetin dɛn de du. I se in dɔn mekɔp in maynd fɔ briŋ ɔl di neshɔn dɛn togɛda dɔn i go sho dɛn aw i vɛks. Ɔl in jɛlɔs vɛksteshɔn nain i go put pan dɛn ɛn dɔnawe wit ɔlman na wɔl.

Ayzaya 26:9

Mi sol kin aŋri fɔ yu na nɛt, mi spirit we de insay mi de luk fɔ yu. Bikɔs we yu jɔjmɛnt dɛn de na wɔl, di pipul dɛn na wɔl de lan fɔ waka tret wit yu.

Di Sam Dɛm 105:3

Blɔf bɔt ɔl wetin wi PAPA GƆD we oli de du; lɛ ɔl udat de fala am, gladi.

Di Sam Dɛm 61:1

PAPA GƆD duya yɛri mi; lisin we a de pre to yu.

Di Sam Dɛm 69:32

Lɛ di poman sɛf si wetin yu de du fɔ mi ɛn gladi; Yu we de fala PAPA GƆD, nɔ giv ɔp o!

2 Kronikuls 30:19

we put in at for fɛn Gɔd we na PAPA GƆD. In papa in Gɔd, ilɛk we i nɔ faa di lɔ fɔ di oli ples fɔ klin na Papa Gɔd in yay.

2 Kronikuls 19:3

Ɛniwe, sɔm gud de insay yu bikɔs yu pwɛl pwɛl di Ashɛra dɛn kɔmɔt na di land ɛn mekɔp yu maynd fɔ fɛn Gɔd.

Ɛzra 8:22

A bin want aks di kiŋ fɔ gi wi sojaman dɛn wit ɔs ɛn ɔs ɛn karej fɔ de wit wi fɔ de gyad wi na rod frɔm dɛn bad pipul dɛn, bɔt we a mɛmba se a bin dɔn tɛl am se wi PAPA GƆD de kɔba ɔl udat kɔl am, ɛn kin put vɛksteshɔn ɛn pɔnish dɛn wan we kin tɔn dɛn bak pan am, a shem fɔ tɔk.

Di Sam Dɛm 71:14

Fɔ mi yon say, a nɔ go ɛva giv ɔp; a go de prez yu mɔ ɛn mɔ.