Lamɛnteshɔn 3:11 - Krio Fɔs Oli Baybul

¹¹ i drɛg mi kɔmɔt na di rod ɛn chɛr pis pis; i dɔn lɛf mi wan to misɛf;

Lamɛnteshɔn 3:11 Referans Kwoze

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

Matyu 23:38

Gɔd dɔn lɛf di ples we una de, gi una; nɔbɔdi nɔ de na di ples.

Mayka 5:8

Dɛn go tan lɛk layɔn midul di pipul dɛn lɛk aw layɔn kin de na bush ɔ lɛk we pikin layɔn kin go de wit ship dɛn we i kin so nyamanyama dɛn dat dɛn nɔ kin ebul pul ɛniwan nain an.

Daniɛl 7:23

“Naim i se: ‘As fɔ di nɔmba fo bist, wan ɔda kindɔm we go bi nɔmba fo, go kam na di wɔl, ɛn i go difrɛn pas ɔl di ɔda kindɔm dɛn, ɛn i go kapchɔ di wanol wɔl, ɛn i go mas mas am ɛn brok brok am pis pis.

Jɛrimaya 32:43

Dɛn go bay grɔn na dis land we yu de tɔk bɔt se, i nɔ gud fɔ natin, witawt mɔtalman ɔ animal; i dɔn bi di Babilonian dɛn yon.

Jɛrimaya 19:8

Ɛn a go mek dis siti tɔn ples fɔ fred, ples we dɛn go de sɔktit pan; ɔlman we de pas nia de go fred ɛn sɔktit bikɔs ɔf ɔl di bad bad tin dɛn we dɔn mit dɛm.

Jɛrimaya 6:8

A de wɔn una o, Jerusɛlɛm, if nɔ so, a go avɔyd una; if nɔ so a mek yu ɛmti ples, land we nɔbɔdi nɔ tap.”

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Ayzaya 3:26

Ɛn in get dɛn go kray de munin; in go sidɔm na grɔn lɛk udat dɔn lɔs ɔltin na layf.

Di Sam Dɛm 50:22

“Lisin gud, una we nɔ bisin bɔt PAPA GƆD ɔ nɔ so, a go chɛr chɛr una lɛkɛ aw layɔn de chɛr bif we i kech am; ɛn nɔbɔdi nɔ go pul una kɔmɔt na mi an.

Job 16:7

Fɔ tru, PAPA GƆD dɔn mek a fil yuslɛs: I dɔn kil mi wanol famili.

Di Sam Dɛm 143:4

Mi bɔdi ɔl dɔn dɔn wit fred; mi at ɔl dɔn pwɛl.

Jɛrimaya 15:3

“PAPA GƆD se, a go pik fo kayn tin dɛn we go nyakanyaka dɛm; sɔd fɔ kil dɛm, dɔg dɛn fɔ chɛr chɛr dɛm, ɛn di bɔd dɛm na di skay, ɛn di wayl animal dɛn na wɔl fɔ it dɛm ɛn nyakanyaka dɛm.

Lamɛnteshɔn 3:10

I tan to mi lɛk bia we de wet fɔ kech bif, ɛn lɛk we layɔn kin tek kɔva;