Lamɛnteshɔn 2:9 - Krio Fɔs Oli Baybul

⁹ Di get dɛn dɔn sink go insay di grɔn; di ba dɛn ɔl dɔn brok brok; di kiŋ ɛn bigman dɛm ɔl de wit di ɔda pipul dɛn; lɔ nɔ de igen ɛn di prɔfɛt dɛn nɔ de gɛt vishɔn to PAPA GƆD igen.

Lamɛnteshɔn 2:9 Referans Kwoze

Izikɛl 7:26

Bad bad trɔbul ɛn sɔfrin pan bad bad trɔbul ɛn sɔfrin, dɛn se, go fala dɛn se; dɛn de aks di prɔfɛt fɔ vishɔn, bɔt di lɔ day bikɔs di man we de mek sakrifays fɔ pipul sin, nɔ de tich di pipul dɛn, ɛn di bigman dɛn nɔ de advays.

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.

Nɛimaya 1:3

Dɛn se ɔltin nɔ fayn fɔ di wan dɛn we nɔ bin de ɛgzayl. Dɛn se dɛn de pan trɔbul ɛn dɛn trenja dɛn de laf dɛn ɛn fityay dɛn. Dɛn tɔk bak se, dɛn brok di wɔl rawnd Jerusɛlɛm ɛn bɔn di get dɛn kpatakpata.

2 Kronikuls 15:3

I dɔn te we Izrɛl nɔ bin de wit di tru tru Gɔd, ɛn nɔ bin gɛt man we de mek sakrifays fɔ pipul sin fɔ de tich dɛn, ɛn dɛn nɔ bin gɛt lɔ;

Jɛrimaya 51:30

Di sojaman dɛm na Babilɔn dɔn lɛf fɔ fɛt, dɛn stil de na dɛn ples we dɛn biliv; dɛn dɔn taya, dɛn dɔn fred lɛk uman; faya dɔn kech in os, in get dɛm dɔn brok.

Di Sam Dɛm 74:9

Yu nɔ de ple nɔn mirekul ɛn nɔbɔdi nɔ de fɔ tɔk fɔ yu fɔ mek wi no ustɛm wi trɔbul go dɔn. Nɔbɔdi nɔ no aw lɔŋ i gɛt fɔ tek.

Ditarɔnɔmi 28:36

Mozis tɛl di Izrɛlayt dɛn se PAPA GƆD go mek dɛn kɛr dɛn ɛn dɛn kiŋ we dɛn go pik go na kɔntri we dɛn ɛn dɛn fɔstɛm-papa dɛn nɔ bin no wande, usay dɛn go go wɔship gɔd dɛn we dɛn mek wit tik ɛn ston.

Izikɛl 17:20

A go prɛd mi nɛt oba am ɛn mi trap go kech am; ɛn a go briŋ am kam Babilɔn, ɛn jɔj am de, fɔseka di trizin we i dɔn kɔmit agens mi.

Izikɛl 12:13

Ɛn a go prɛd mi nɛt oba am ɛn mi trap go kech am; ɛn a go briŋ am kam Babilɔn, na di Babilonian dɛn land, ɛn stil i nɔ go si am; ɛn i go day de.

Lamɛnteshɔn 4:20

Di pɔsin we tan to wi lɛk di briz we wi de blo, di wan we PAPA GƆD dɔn pik, sɛf, dɛn kapchɔ am lɛk animal, di wan we wi bin de tɔk se, “Na ɔnda in bana wi go ebul de lɛk ɔda neshɔn dɛn”

Lamɛnteshɔn 4:15

Pipul dɛn de ala pan dɛn se, “Kɔmɔt na ya, yu we dɔti na PAPA GƆD yay; “Kɔmɔt na ya! Kɔmɔt na ya! Nɔ tɔch mi!” So dɛn tɔn pipul we dɛn nɔ want na ples ɛn jɛs de wirɔn ɔp ɛn dɔŋ; pipul dɛn ɔloba di wɔl de tɔk se, “Dɛn nɔ fit fɔ tap wit pipul dɛn igen”

Lamɛnteshɔn 1:3

Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.

Jɛrimaya 52:14

Ɛn ɔl di Babilonian sojaman dɛm we bin de wit di kapten pan di gyadman dɛm, brok ɔl di wɔl we de rawnd Jerusɛlɛm.

Jɛrimaya 39:8

Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Jɛrimaya 39:2

insay di ia we mek kiŋ Zɛdikaya ilɛvin ia as kiŋ, na di nayn de insay di mɔnt we mek fo, ɛn insay di mɔnt we mek fo, dɛn bin brok di wɔl dɛn na di siti.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

2 Kiŋ 25:7

Dɛn kil ɔl in bɔypikin dɛn korokoro wan bifo in yay. Dɛn pul in tu yay kɔmɔt, tay am wit chen ɛn kɛr am go Babilɔn.

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Ozie 11:6

Na soso fɛt dɛn go de pan. Dɛn go fɛt na di siti, dɛn go pwɛl di get dɛn ɛn ivin dɛn dɛn traŋa wɔl we dɛn bin bil kin pwɛl.

Emɔs 1:5

A go brok di ayɛn ba we dɛn yuz fɔ blɔk di get fɔ go insay Damaskɔs. A go kil di man we de rul na Avɛn Vali ɛn di ɔda wan dɛn we de kɔntrol di staf na Bɛthidɛn. Dɛn a go kapchɔ ɔl di pipul we de na Siria kɛr dɛn go na Kir.”

Ditarɔnɔmi 28:63

Mozis tɛl di Izrɛlayt dɛn se, lɛkɛ aw PAPA GƆD bin gladi fɔ mek dɛn jɛntri ɛn bɔn bɔku bɔku pikin dɛn, na semweso i go gladi fɔ du dɛn tin dɛn we go mek dɛn alaki ɛn day day na di land we i dɔn rɛdi fɔ gi dɛn.

1 Samiɛl 28:6

I aks PAPA GƆD wetin go bi bɔt PAPA GƆD nɔ ansa am. I nɔ yɛri PAPA GƆD in ansa na drim, we i yuz di Yurim ɛn Thumim ɛn di prɔfɛt dɛnsɛf nɔ se natin to am.

Ayzaya 24:12

Na ɛmtinɛs ɛn lonlinɛs lɛf na di siti, di get dɛn ɔl dɔn brok brok ɛn pwɛl pwɛl.