Lamɛnteshɔn 2:8 - Krio Fɔs Oli Baybul

⁸ Fɔ sho se PAPA GƆD mek ɔp fɔ pwɛl Zayɔn in gyalpikin in wɔl kpatakpata; i mɛzhɔ di wɔl dɛn dɔn i brok dɛn; in an nɔ de trimbul sɛf we i de pwɛl; i mek di insay wɔl ɛn di wɔl na do de mɛmba ɛn kray; dɛn ɔltu lidɔm broko wan.

Lamɛnteshɔn 2:8 Referans Kwoze

2 Kiŋ 21:13

PAPA GƆD se in go dil wit Jerusɛlɛm lɛkɛ aw i dil wit Sameria we i pwɛl di siti kpatakpata wit Eab ɛn ɔl in jɛnareshɔn. I se wan pɔsin nɔ go lɛf na Jerusɛlɛm, in go klin Jerusɛlɛm lɛkɛ aw pɔsin de shayn plet ɛn tɔn am oba.

Jɛrimaya 14:2

“Juda de kray ɛn in get dɛm lɛf ɛmti; in pipul lidɔm na grɔn de kray, ɛn di kary we Jerusɛlɛm de kray, de go ɔp.

Ayzaya 34:11

Na ak ɛn pɔkyupayn go gɛt am, na awl ɛn revɛn dɛn go tap de. I go put di layn ɔf kɔnfyushɔn oba am ɛn di teprul fɔ gbos gbos oba di nobul dɛn.

Ayzaya 3:26

Ɛn in get dɛn go kray de munin; in go sidɔm na grɔn lɛk udat dɔn lɔs ɔltin na layf.

Jɛrimaya 5:10

“Waka insay dɛn greps fam, ro bay ro ɛn pwɛl dɛm, bɔt nɔ pwɛl ɔltin; kɔt kɔt dɛn branch dɛm, bikɔs nɔto PAPA GƆD gɛt dɛm.

Izikɛl 20:22

Bɔt a bin ol mi at, ɛn a bin du so fɔseka mi nem, so dat dɛn nɔ go pwɛl mi nem to di neshɔn dɛm, we na bifo dɛn a bin sev dɛn.

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Lamɛnteshɔn 2:5

PAPA GƆD dɔn kan tan lɛk ɛnimi, i dɔn nyakanyaka Izrɛl; i dɔn nyakanyaka ɔl in kiŋ os dɛn, pwɛl di barik dɛn; ɛn i dɔn mek munin ɛn wɔndrin dɔn bɔku na Juda.

Lamɛnteshɔn 2:2

PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.

Ayzaya 28:17

Ɛn a go mek jɔstis bi di mɛzhɔmɛnt, ɛn fɔ waka tret wit PAPA GƆD go bi di say fɔ drɔ di layn; na af af bɔl ays we de fɔdɔm kan dɔŋ lɛk ren, go swip di lay dɛn we tek kɔba, go, ɛn na bɔku bɔku wata go fulɔp usay dɛn de ayd.”

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Job 13:21

Wan, yu fɔ lɛf fɔ pɔnish mi, ɛn tu, nɔ mek a fred yu bikɔs yu fiaful.

2 Samiɛl 8:2

Devid win di Moabayt dɛnsɛf. I mek di Moabayt dɛn lidɔm bay layn dɔn i kil tu pam tri na di layn te i dɔn. Leta ɔn, ɔl di Moabayt dɛn we Devid nɔ kil tɔn bɔy fɔ am ɛn de gi am ɛnitin we i aks fɔ.

Lamɛnteshɔn 2:18

Ala lawd lawd wan to PAPA GƆD yu Jerusɛlɛm in gyal pikin! Lɛ wata kɔmɔt na yu yay lɛk we big ren de kam ol de ɛn ol nɛt! Nɔ blo atɔl, nɔ gi yu yay nɔn blo blo!

Ayzaya 22:5

Bikɔs PAPA GƆD Ɔlmayti gɛt in yon de fɔ ala ala ɛn fɔ mas mas pipul ɛn fɔ mek kɔnfyushɔn na di Vali ɔf Vishɔn, fɔ bata wɔl kan dɔŋ ɛn fɔ ala to dɛn mawnten dɛn.

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.