Lamɛnteshɔn 2:7 - Krio Fɔs Oli Baybul

⁷ PAPA GƆD dɔn pul rɛspɛkt kɔmɔt pan di ɔlta, i dɔn pul at kɔmɔt pan di ples we dɛn de pre; i dɔn put ɔl di wɔl dɛn ɛn kiŋ os dɛn na di ɛnimi dɛn an; dɛn gladi de ala na PAPA GƆD in os lɛk we dɛn kin du di tɛm dɛn we dɛn kin ol dɛn fist.

Lamɛnteshɔn 2:7 Referans Kwoze

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Emɔs 2:5

A go sɛn faya na Juda ɛn nyakanyaka di wɔl we de rawnd Jerusɛlɛm.”

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Matyu 24:2

Jizɔs tɛl dɛn se, “Una si ɔl dis, nɔto so? A de tɛl una se, dɛn go skata dɛn, wan ston nɔ go lɛf pantap in kɔmpin.”

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Izikɛl 7:24

a go briŋ di neshɔn dɛn we bad pas ɔl fɔ tek ɔl dɛn os dɛm; a go tap ɔl dɛn pawa we mek dɛn de mek prawd, ɛn dɛn oli ples dɛm nɔ go gɛt nɔn rɛspɛkt.

Lamɛnteshɔn 2:5

PAPA GƆD dɔn kan tan lɛk ɛnimi, i dɔn nyakanyaka Izrɛl; i dɔn nyakanyaka ɔl in kiŋ os dɛn, pwɛl di barik dɛn; ɛn i dɔn mek munin ɛn wɔndrin dɔn bɔku na Juda.

Lamɛnteshɔn 2:1

We PAPA GƆD dɔn trɛtin di wanol Zayɔn we i vɛks! I dɔn nyakanyaka ɔl wetin Izrɛl de tek blɔf; di tɛm we i vɛks, i nɔ luk sɛf se na Jerusɛlɛm in tɛmpul de.

Jɛrimaya 39:8

Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 26:18

“Mayka na Mɔrɛshɛt, bin de prɔfisay di tɛm we Ɛzikaya na bin kiŋ na Juda, ɛn i bin tɛl ɔl di pipul dɛn na Juda se: ‘Na dis PAPA GƆD Ɔlmayti se, Dɛn go dig Zayɔn lɛkɛ fam; Jerusɛlɛm go tɔn dɔti ip, ɛn di il na PAPA GƆD in os, go tɔn fɔrɛst.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

2 Kronikuls 36:19

Ɛn dɛn dɔn PAPA GƆD in os brok Jerusɛlɛm in wɔl kam dɔŋ ɛn bɔn ɔl in kiŋ os dɛm wit faya ɛn distrɔy ɔl in prɛshɔs besin dɛm.

Lɛvitikɔs 26:44

Bɔt pan ɔl dat, we dɛn de na dɛn land, PAPA GƆD, in, go bisin bɔt dɛn, ɛn in nɔ go dɔnawe wit dɛn we go mek i brok di Kɔvinant bikɔs nain na PAPA GƆD we na dɛn GƆD;

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Di Sam Dɛm 89:39

Yu dɔn brok di Kɔvinant naw; yu ivin dɔn tek in krawn ɛn ib am na grɔn.

Jɛrimaya 21:4

“Go tɛl Zɛdikaya se, ‘Na dis PAPA GƆD we na Izrɛl dɛn Gɔd se: A go gɛda ɔl di wɛpɔn dɛm fɔ fɛt wa, we de na una an, we una de yuz fɔ fɛt di kiŋ na Babilɔn, ɛn di Babilonian dɛm we sɔrawnd una na do na una wɔl dɛm; ɛn a go briŋ dɛm ɔl kam put na di siti sɛnta.

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

2 Kiŋ 25:9

I bɔn PAPA GƆD in os, di kiŋ in os ɛn ɔl di os dɛn na Jerusɛlɛm. I bɔn ɔl dɛn impɔtant bildin dɛn.

Ayzaya 64:9

Nɔ vɛks pasmak O PAPA GƆD, ɛn nɔ mɛmba sin sote go. Duya, tink gud, wi ɔl na yu pipul dɛm.

Jɛrimaya 4:26

A luk, eya, da land we plant bin de gro fayn fayn wan, dɔn tɔn ɛmti ples we pipul nɔ go ebul tap, ɛn ɔl in siti dɛn dɔn broko broko bifo PAPA GƆD, ɛn bifo in bad bad vɛksteshɔn.

Jɛrimaya 4:27

Bikɔs na dis PAPA GƆD se, “Di wanol land go lɛf ɛmti bɔt a nɔ go pwɛl am kpatakpata.