Lamɛnteshɔn 2:6 - Krio Fɔs Oli Baybul

⁶ I dɔn brok in os lɛk we dɛn de brok fam os, pwɛl pwɛl ɔl di ples dɛn we dɛn de ol di difrɛn fist dɛm; PAPA GƆD dɔn mek dɛn tap di difrɛn difrɛn fist dɛn na Zayɔn ɛn di de we nɔ fɔ wok, ɛn we i vɛks, i dɔn pul ɔl wetin dɛn de tek blɔf pan ɔl dɛn kiŋ ɛn man dɛn we de mek sakrifays fɔ pipul sin.

Lamɛnteshɔn 2:6 Referans Kwoze

Zɛfinaya 3:18

i go tan lɛk aw pɔsin kin gladi we i de sɛlibret.” I se in go pul ɔl di nambara na una ed so disgres nɔ go mit una.

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Lamɛnteshɔn 4:16

Na PAPA GƆD in sɛf sɛf skata dɛn, i nɔ bisin bɔt dɛn igen; di man dɛn we de mek sakrifays fɔ pipul sin nɔ bin gɛt wan rɛspɛkt igen, nɔbɔdi nɔ bin de du di bigman dɛn gud igen

Malakay 2:9

Dat mek bikɔs dɛn nɔ de trit ɔlman di sem, i dɔn mek di pipul dɛn nɔ de luk dɛn wit bɛtɛ yay.

Izikɛl 17:18

Bikɔs i bin luk dɔŋ pan di swɛ we i bin swɛ, ɛn brok di Kɔvinant, ɛn bikɔs i bin dɔn gri bɔt stil du ɔl dɛn tin de, i nɔ go go fri.

Lamɛnteshɔn 5:12

Dɛn de ɛŋ wi bigman dɛn wit dɛn an; dɛn nɔ gi dɛn wan rɛspɛkt.

Lamɛnteshɔn 4:20

Di pɔsin we tan to wi lɛk di briz we wi de blo, di wan we PAPA GƆD dɔn pik, sɛf, dɛn kapchɔ am lɛk animal, di wan we wi bin de tɔk se, “Na ɔnda in bana wi go ebul de lɛk ɔda neshɔn dɛn”

Ayzaya 64:11

Wi oli ɛn fayn fayn os, usay wi papa dɛn bin de prez yu, faya dɔn bɔn am, ɛn ɔl di fayn fayn ples dɛn dɔn broko broko.

Ayzaya 63:18

Yu oli ples bin blant yu oli pipul dɛn lili wayl; wi ɛnimi dɛn dɔn mas mas am brok kan dɔŋ.

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Ayzaya 1:13

Una nɔ briŋ mɔ fɔnatin ɔfrin kam igen; Insɛns na tin we a et bad bad wan. Nyu mun o, de fɔ blo ɛn rɛst o, ɛn we una kin gɛda fɔ wɔship mi- A nɔ go ebul bia sin insay ɔl dɛn fɛstival dɛn de igen.

Ayzaya 1:8

Dat mek Zayɔn in gyal pikin dɔn lɛf lɛk bafa na greps fam, i yuslɛs lɛk os na kɔkumba fam, lɛk siti we ɛnimi dɔn sɔrawnd.

Di Sam Dɛm 89:40

Yu dɔn mek di wɔl dɛn we i bil rawnd in siti fɔdɔm; di tin we i mek fɔ sikyɔriti dɔn brok dɔŋ.

Di Sam Dɛm 80:12

Wetin mek yu lɛf ɛnimi dɛn fɔ atak di ples? Naw, ivin fɔrina dɛn de pas tif ɛn fɛn we fɔ ɛp pwɛl am.

Di Sam Dɛm 76:2

In os fɔ pre to am de, Jerusɛlɛm; na Mawnt Zayɔn i tap

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Di Sam Dɛm 74:7

Dɛn bɔn yu os kam rayt dɔŋ dɛn mek di ples lɛ i nɔ fit fɔ mek yu pipul go wɔship yu igen

Ayzaya 5:6

A go mek i yuslɛs; dɛn nɔ go de trim am ɔ de put dɔti nain rut, so dat wayl bush ɛn chuk chuk go gro de; Dɔn a go kɔmand di klawd dɛm mek nɔn ren nɔ fɔdɔm pan an.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 45:4

Na dis yu go tɛl am, Na dis PAPA GƆD se: Biliv mi, a de brok wetin a bin dɔn bil, ɛn a de rut wetin a bin dɔn plant– dat na di wanol land.