Lamɛnteshɔn 2:4 - Krio Fɔs Oli Baybul

⁴ I dɔn rɛdi in bo fɔ shut wi lɛkɛ wi ɛnimi, i tek raytan rɛdi am lɛkɛ wi ɛnimi; ɛn i dɔn kil ɔl di wan dɛn we wi bin rɛspɛkt na dɛn yon os to dɛn yon pipul; i sho in bad bad vɛksteshɔn lɛk we faya de kech.

Lamɛnteshɔn 2:4 Referans Kwoze

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Izikɛl 24:25

“Ɛn yu mɔtalman; di de we a go tek wetin na dɛn protɛkshɔn kɔmɔt na dɛn an, we a go tek wetin kin mek dɛn gladi ɛn wetin mek dɛn femɔs, di tin dɛm we dɛn lɛk bad bad wan, ɛn sɛf dɛn bɔy ɛn gyal pikin dɛm kɔmɔt na dɛn an,

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Ayzaya 42:25

So I put in ebi ebi vɛksteshɔn pan am ɛn in pawa fɔ fɛt; I put faya rawnd am, bɔt i nɔ bin ɔndastand; I bɔn am, bɔt I nɔ tek am mek natin.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Job 6:4

PAPA GƆD in aro dɔn chuk mi; di pɔyzin dɔn sok insay mi bɔdi; PAPA GƆD dɔn rɛdi fɔ sho mi pɛpɛ.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Izikɛl 36:18

So a bin tɔn mi bad bad vɛks pan dɛm lɛk wata, fɔseka di blɔd we dɛn dɔn mek flo na di kɔntri, ɛn fɔseka di lay lay gɔd dɛm we dɛn tek dɔti mi.

Izikɛl 22:22

Lɛk we silva de mɛlt insay big ovin, na so unasɛf go mɛlt insay de; ɛn una go no se na mi PAPA GƆD dɔn put mi vɛksteshɔn pan una.

Izikɛl 6:12

Di pɔsin we de fawe, na bad sik go kil am. Di wan we de nia, na wa i go day; di wan we go lɛf we nɔ day, na aŋri go kil am. Na so a go pul mi wamat pan dɛn.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Lamɛnteshɔn 4:1

Luk aw wi gold dɛn dɔn dɔl, aw piɔ gold dɔn chenj! Di oli ston dɛm ɔl skata na ɔl dɛn trit jɔnkshɔn.

Lamɛnteshɔn 3:3

I de bit mi bad bad wan, ol de, i de bit bit mi.

Lamɛnteshɔn 2:5

PAPA GƆD dɔn kan tan lɛk ɛnimi, i dɔn nyakanyaka Izrɛl; i dɔn nyakanyaka ɔl in kiŋ os dɛn, pwɛl di barik dɛn; ɛn i dɔn mek munin ɛn wɔndrin dɔn bɔku na Juda.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Ayzaya 63:6

A mas mas difrɛn difrɛn pipul dɛn wit wamat, A nyakanyaka dɛn we a vɛks, ɛn a trowe dɛn blɔd we de gi dɛn layf, na grɔn.”

2 Kronikuls 34:25

Bikɔs dɛn dɔn trowe mi ɛn bɔn insɛns to ɔda Gɔd dɛm, lɛ dɛn go jɔs provok mi mek a vɛks, wit ɔl di wok we dɛn an de du, fɔseka dat a dɔn wayl an a go pul mi vɛks pan dis ples ɛn natin nɔ go klo mi at.

2 Kronikuls 34:21

“Una go aks fɔ mi to PAPA GƆD ɛn fɔ di wan dɛm we lɛf na Izrɛl ɛn Juda bɔt di wɔd dɛm na dis buk we wi fɛn, bikɔs. Bikɔs di kayn wamat we PAPA GƆD dɔn rɛdi fɔ wi fɔseka wi papa dɛm we nɔ kip PAPA GƆD in wɔd akɔdin to ɔl wetin rayt na dis buk, in nɔ smɔl.

Di Sam Dɛm 37:14

Da tɛm de di bad man go drɔ in sɔd ɛn rɛdi in bo, dat na di wɛpɔn dɛn we dɛn wan tek kil udat nɔ ebul fɛt fɔ insɛf ɛn udat de du gud

Jɛrimaya 10:20

Mi tɛnt dɔn pwɛl, ɛn ɔl di rop dɛn dɔn kɔt kɔt; mi pikin dɛn dɔn lɛf mi go; ɛn wan nɔ lɛf; nɔbɔdi nɔ de fɔ bil mi tɛnt bak, ɛn ɛŋ mi kɔtin dɛm.

Izikɛl 20:34

A go pul una kɔmɔt to di difrɛn difrɛn pipul dɛn, ɛn gɛda una kɔmɔt na di difrɛn difrɛn kɔntri dɛn we una skata wit mi pawaful an, mi an we rɛdi fɔ blo ɛn we a de du bad we a vɛks bad bad wan;

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Ditarɔnɔmi 32:22

Mi vɛksteshɔn kin mek big big faya kech ɛn bɔn ɔltin na dis wɔl. I go rich ɔnda ɔnda di grɔn ɛn go bɔn ɔnda dɛn mawnten dɛn.

1 Samiɛl 28:16

Samiɛl aks Sɔl se wetin mek i fɔ wek am naw we PAPA GƆD dɔn lɛf am to insɛf ɛn bi in ɛnimi.

Job 19:11

I dɔn mek wamat pan mi ɛn na mi i tek mek ɛnimi.

Di Sam Dɛm 7:13

I dɔn rɛdi ɔl in denja denja wɛpɔn dɛn fɔ atak dɛn.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Izikɛl 7:14

“Dɛn dɔn blo di trɔmpɛt ɛn dɛn dɔn rɛdi ɔl tin; bɔt nɔbɔdi nɔ go go fɛt wa, bikɔs a vɛks pan ɔl di pipul dɛn bad bad wan.

Izikɛl 13:13

So, Papa Gɔd we na Gɔd se: a go mek wan ebi ebi briz blo bikɔs ɔf di vɛks we a vɛks; ɛn big big ren go kam bikɔs ɔf di vɛks we a vɛks; ɛn sɛf, insay di vɛks we a vɛks, big big broko broko ays go fɔdɔm fɔ pwɛl am.