Lamɛnteshɔn 2:22 - Krio Fɔs Oli Baybul

²² Yu mek we, mek mi ɛnimi dɛn sɔrawnd mi lɛk we dɛn invayt pipul dɛn fɔ kam pati; ɛn di de we na di de we PAPA GƆD vɛks nɔbɔdi nɔ bin ebul balans ɔ sɔvayv; mi ɛnimi dɛn nyakanyaka di wan dɛn we a ple wit ɛn mɛn.

Lamɛnteshɔn 2:22 Referans Kwoze

Jɛrimaya 6:25

Una nɔ go na fam, ɛn una nɔ waka na forod; bikɔs di ɛnimi gɛt sɔd, fred fred de ɔlɔbɔt.

Di Sam Dɛm 31:13

A de yɛri dɛn lay ɛn koŋosa; a de fred fɔ kɔmɔt. Dɛn dɔn sɛt trap fɔ mi ɔlsay dɛn wan fɔ kil mi.

Jɛrimaya 46:5

Wetin mek a dɔn si am? Dɛn at pwɛl ɛn dɔn tɔn bak. Dɛn dɔn bit dɛn sojaman dɛm ɛn dɛn dɔn rɔnawe kwik kwik wan; dɛn nɔ luk biɛn sɛf– fred fred de ɔlɔbɔt! Na so PAPA GƆD se.

Jɛrimaya 20:3

Di nɛks de, we Pashɔ fri Jɛrimaya kɔmɔt na di chen, Jɛrimaya tɛl am se, PAPA GƆD nɔ de kɔl yu Pashɔ, i de kɔl yu Tɛrɔ ɔlɔbɔt.

Ditarɔnɔmi 28:18

PAPA GƆD nɔ go mek dɛn gɛt bɔku pikin dɛn. Dɛn fam dɛn nɔ go bɛtɛ ɛn dɛn animal dɛn bɔn wan sɛf go traŋa.

Ayzaya 28:19

Ɛnitɛm we i pas de, i go mɔna una; bikɔs i go pas de ɛvri mɔnin, de ɛn nɛt; una mɔs fred bad bad, we una ɔndastand di mɛsej.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 44:7

Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.