Lamɛnteshɔn 2:2 - Krio Fɔs Oli Baybul

² PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.

Lamɛnteshɔn 2:2 Referans Kwoze

Lamɛnteshɔn 3:43

“Yu dɔn rap yusɛf wit vɛksteshɔn ɛn dɔn rɔnata wi de kil wi yu nɔ luk biɛn;

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.

Ayzaya 25:12

Ɛn PAPA GƆD go brok di ay ay wɔl we i de tek protɛkt insɛf, kan dɔŋ na grɔn, ɛn tɔn am to dɔti.

Di Sam Dɛm 21:9

Wɛn i go bɔs so, i go nyakanyaka dɛn lɛk aw faya de pwɛl tin. Wɛn PAPA GƆD dɔn vɛks, in go jɛs pwɛl dɛn kpatakpata na faya.

Izikɛl 9:10

As fɔ mi, mi safyay nɔ go luk sɛf ɛn a nɔ go sɔri at ɔl, a go mek dɛn pe bak fɔ ɔl di bad tin dɛn we dɛn dɔn du.”

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.

Lamɛnteshɔn 2:5

PAPA GƆD dɔn kan tan lɛk ɛnimi, i dɔn nyakanyaka Izrɛl; i dɔn nyakanyaka ɔl in kiŋ os dɛn, pwɛl di barik dɛn; ɛn i dɔn mek munin ɛn wɔndrin dɔn bɔku na Juda.

Ayzaya 26:5

I dɔn briŋ di pipul dɛn we bin de ɔp di ay siti, kan dɔŋ. I briŋ am kan dɔŋ, dɔŋ na grɔn ɛn ib am na dɔti.

2 Kɔrint 10:4

Di tin dɛn we wi de tek fɛt nɔ kɔmɔt na dis wɔl, dɛn kɔmɔt to Gɔd, we gɛt pawa; na dɛn wi de tek rut dɛn tin we tinap traŋa. Wi de yus dɛn fɔ sho se dɛn agyu we pipul de agyu bɔt Gɔd na nɔnsɛns;

Matyu 18:33

Yusɛf bin fɔ sɔri fɔ yu kɔmpin we bin gɛt fɔ pe yu, lɛkɛ aw a bin sɔri fɔ yu.’

Malakay 1:4

If di Idɔmayt dɛn se, ɔl dɛn ples dɛn dɔn pwɛl bɔt dɛn go mek am bak, PAPA GƆD go se ivin if dɛn mek dɛn bak, in go pwɛl dɛn te ɔlman no se na pipul dɛn we PAPA GƆD go vɛks pan sote go gɛt di kɔntri.

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Izikɛl 7:9

Ɛn mi saf yay nɔ go luk una sɛf, ɛn a nɔ go sɔri fɔ una atɔl, a go pɔnish una bay aw una de biev, we una de du dɛn bad bad tin dɛn we a et. Dɛn una gɔ no se na mi na di PAPA GƆD we de kil.

Izikɛl 7:4

Ɛn mi saf yay nɔ go luk una sɛf, ɛn a nɔ go sɔri fɔ una atɔl; bɔt a go pɔnish una fɔ aw una de biev we una de du dɛn bad bad tin dɛn we a et. Na datɛnde una go no se, na mi na PAPA GƆD.

Izikɛl 5:11

Papa Gɔd we na Gɔd se, wans mi na Gɔd, mi de tɛl una se, fɔ tru tru, bikɔs una dɔn mek di ples we pipul dɛn de pre to mi, dɔti na mi yay, wit ɔl una swɛ swɛ tin dɛn ɛn di bad bad tin dɛn we PAPA GƆD nɔ lɛk, na so a go kil una, a nɔ go luk biɛn sɛf, ɛn a nɔ go sɔri sɛf fɔ una.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 5:10

“Waka insay dɛn greps fam, ro bay ro ɛn pwɛl dɛm, bɔt nɔ pwɛl ɔltin; kɔt kɔt dɛn branch dɛm, bikɔs nɔto PAPA GƆD gɛt dɛm.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Ayzaya 23:9

Na PAPA GƆD Ɔlmayti dɔn plan am, fɔ mek di kak we i de kak fɔseka di nem we i dɔn mek, dɔn dɔti na PAPA GƆD in yay, fɔ disrɛspɛkt ɔl dɛn wan dɛn we dɛn rɛspɛkt na dis wɔl.

Job 2:3

PAPA GƆD aks am if i dɔn tink bɔt Job we nain wokman. PAPA GƆD tɛl Setan se, nɔbɔdi nɔ de na wɔl lɛk Job, bikɔs na gud man ɛn i de waka tret wit in PAPA GƆD. I fred ɛn rɛspɛkt in PAPA GƆD ɛn in layf nɔ gɛt wan bɔt. PAPA GƆD se pan ɔl we Setan mek in gri mek i atak Job fɔ natin, Job stil de waka tret wit in PAPA GƆD.

Di Sam Dɛm 74:7

Dɛn bɔn yu os kam rayt dɔŋ dɛn mek di ples lɛ i nɔ fit fɔ mek yu pipul go wɔship yu igen

Ayzaya 22:5

Bikɔs PAPA GƆD Ɔlmayti gɛt in yon de fɔ ala ala ɛn fɔ mas mas pipul ɛn fɔ mek kɔnfyushɔn na di Vali ɔf Vishɔn, fɔ bata wɔl kan dɔŋ ɛn fɔ ala to dɛn mawnten dɛn.

Mayka 5:14

Una Ashɛra dɛn statyu dɛn ɔl go kam dɔŋ ɛn di siti go pwɛl kpatakpata.

Ditarɔnɔmi 28:52

Dɛn go atak ɔl dɛn siti dɛn te dɛn brok ɔl di wɔl dɛn we dɛn abop pan ɔlsay na di land; dɛn go kapchɔ ɔl dɛn siti dɛn na di land we PAPA GƆD we na dɛn PAPA GƆD, bin dɔn gi dɛn.

Ditarɔnɔmi 32:22

Mi vɛksteshɔn kin mek big big faya kech ɛn bɔn ɔltin na dis wɔl. I go rich ɔnda ɔnda di grɔn ɛn go bɔn ɔnda dɛn mawnten dɛn.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”