Lamɛnteshɔn 2:19 - Krio Fɔs Oli Baybul

¹⁹ Grap, ala we nɛt kam, dɛn twɛlv, tu ɛn fo oklɔk mɔnin so! Ɛmti yu at lɛk wata bifo PAPA GƆD! Es yu an ɔp to am fɔ dɛn pikin dɛn layf we aŋri de kil, na ɛni trit we yu tɔn.

Lamɛnteshɔn 2:19 Referans Kwoze

Di Sam Dɛm 62:8

Una we abop pan am, una nɔ pul at pan am. Abop pan am ɔltɛm, bikɔs nain de kɔba wi lɛk aw fɔl de kɔba in pikin.

Ayzaya 26:9

Mi sol kin aŋri fɔ yu na nɛt, mi spirit we de insay mi de luk fɔ yu. Bikɔs we yu jɔjmɛnt dɛn de na wɔl, di pipul dɛn na wɔl de lan fɔ waka tret wit yu.

Di Sam Dɛm 142:2

A opin mi at to am; ɛn tɛl am wetin de mɔna mi.

Mak 1:35

Ali mɔnin, bifo do klin gud, Jizɔs grap go pre na wan ples we pipul nɔ de.

1 Samiɛl 1:15

Ana tɛl am se i nɔ drɔnk. I ɛksplen se in na uman we tin de mɔna. I se i nɔ drink wayn ɔ bia bɔt dat i de tɛl PAPA GƆD wetin de mɔna am.

Di Sam Dɛm 141:2

Lɛ mi prea tan lɛkɛ insɛns we a de bɔn fɔ yu, ɛn lɛ mi an dɛn we a es ɔp fɔ pre tan lɛkɛ sakrifays we pɔsin kin mek ivintɛm to yu.

Di Jɔj Dɛm 7:19

So Gidiɔn ɛn di wan ɔndrɛd man we de wit am go nia di Midianayt dɛn kamp jɛs bifo twɛlv na nɛt we dɛn jɛs chenj di wachman dɛn, blo dɛn trɔmpɛt dɛn ɛn brok di ja dɛn we dɛn bin ol na dɛn an, na grɔn.

Di Sam Dɛm 42:8

De ɛn nɛt PAPA GƆD de sho mi in lɔv we nɔ de ɛva chenj, so a kin siŋ to am as nain de gi mi layf.

Lyuk 6:12

Wan ɔda tɛm, Jizɔs bin go ɔp wan il fɔ pre. I pre ol nɛt to Gɔd.

Mak 13:35

So una fɔ waydawek, ɛn una fɔ de wach, bikɔs una nɔ no di tɛm we una masta go kam; una nɔ no if i go kam midul nɛt, ivintɛm, ali mɔnin, ɔ wɛn mɔnin dɔn go fa lili bit.

Matyu 14:25

Midul nɛt bay tri oklɔk, Jizɔs waka pantap di wata go mit in lanin bɔy dɛn.

Di Sam Dɛm 119:55

PAPA GƆD na nɛt, a go mɛmba yu; ɛn du wetin yu se.

Di Sam Dɛm 28:2

Yɛri mi we a de pre, we a de kray fɔ mek yu ɛp mi, as a de es mi an ɔp de beg yu insay yu os.

Ayzaya 51:20

Yu bɔypikin dɛn dɔn taya, dɛn ledɔm lidɔm na dɛn jɔnkshɔn dɛn na ɔl dɛn trit lɛk fritambo we dɛn kech na trap; dɛn dɔn fil wetin PAPA GƆD kin du we i vɛks, we na yu Gɔd in kɔrɛkshɔn.

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Izikɛl 5:16

Wɛn a go lus mi bad bad aro dɛm pan una, we de mek it nɔ de atɔl, aro dɛn fɔ nyakanyaka, we a go tek dɔn una kpatakpata, ɛn wɛn a mek mɔ aŋri mit una ɛn tap di men tin we una de it.

Izikɛl 5:10

Ɛn na so di papa dɛn we de midul una go it dɛn bɔypikin dɛm ɛn dɛn bɔypikin go it dɛn papa dɛn; ɛn a go kɛriawt di jɔjmɛnt dɛm pan una ɛn ɛniwan pan una we nɔ day a go skata am ɔlsay we briz de blo.

Di Sam Dɛm 134:2

Tɔn una fes to in os ɛn es una an ɔp we una de pre fɔ prez PAPA GƆD.

Di Sam Dɛm 63:4

A go prez yu wans a gɛt layf ɛn a go de es mi an ɔp we a de pre to yu.

Job 3:24

Na pini dɔn tɔn mi it ɛn di kray we a de kray kin ful ɔmɔs bokit wata.

1 Samiɛl 7:6

We dɛn ɔl dɔn gɛda na Mizpa, dɛn gɛt wata, trowe am na grɔn as sakrifays to PAPA GƆD. Dɛn fast fɔ da de de ɛn we dɛn de na Mizpa nain dɛn kɔnfɛs se dɛn dɔn sin to PAPA GƆD, ɛn na de dɛn mek Samiɛl lɛk chif na Izrɛl.

Neum 3:10

Pan ɔl dat, dɛn bin kech insɛf kɛr am go ɛgzayl. Na trit dɛn dil wit in pikin dɛn. Dɛn ivin gyambul fɔ no aw fɔ sheb di bigman dɛn we dɛn kech.

Di Sam Dɛm 42:3

Di wata we kɔmɔt na mi yay de go insay mi mɔt ɛn nain nɔmɔ na mi it, de ɛn nɛt, ɛn ɔltɛm mi ɛnimi dɛn de provok mi, dɛn de aks usay mi PAPA GƆD de we a de sɔfa so.

Di Sam Dɛm 42:4

As a de blo mi maynd, a mɛmba we mi ɛn ɔda pipul kin de lid machpas fɔ go na PAPA GƆD in os na Jerusɛlɛm, na so we kin de ala we wi de siŋ ɛn tɛl PAPA GƆD tɛnki as wi de sɛlibret.

Di Sam Dɛm 142:3

Wɛn a giv ɔp, na yu nɔmɔ no wetin a fɔ du. Dɛn dɔn sɛt trap fɔ mi na di rod we a de pas.

Jɛrimaya 9:20

Una dɛn uman dɛm, una yɛri PAPA GƆD in wɔd, ɛn lɛ una yes dɛn lisin gud wetin de kɔmɔt nain mɔt; una tich una gyal pikin aw fɔ kray, ɛn ɔlman tich in neba wan wan bɛrin siŋ.

Jɛrimaya 14:18

If a go na fam, a go si dɛn wan dɛn we day na wa! If a go insay di siti a go mit bad bad aŋri de! Bikɔs di prɔfɛt ɛn di man dɛn we de mek sakrifays fɔ pipul sin, de wirɔn ɔp ɛn dɔŋ de mek pipul dɛn pe dɛn fɔ dɛn wok, we dɛn nɔ no natin.’”

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.