Lamɛnteshɔn 2:18 - Krio Fɔs Oli Baybul

¹⁸ Ala lawd lawd wan to PAPA GƆD yu Jerusɛlɛm in gyal pikin! Lɛ wata kɔmɔt na yu yay lɛk we big ren de kam ol de ɛn ol nɛt! Nɔ blo atɔl, nɔ gi yu yay nɔn blo blo!

Lamɛnteshɔn 2:18 Referans Kwoze

Di Sam Dɛm 119:145

PAPA GƆD, a de opin mi at to yu; ansa mi, dɔn a go obe yu lɔ dɛn.

Lamɛnteshɔn 2:8

Fɔ sho se PAPA GƆD mek ɔp fɔ pwɛl Zayɔn in gyalpikin in wɔl kpatakpata; i mɛzhɔ di wɔl dɛn dɔn i brok dɛn; in an nɔ de trimbul sɛf we i de pwɛl; i mek di insay wɔl ɛn di wɔl na do de mɛmba ɛn kray; dɛn ɔltu lidɔm broko wan.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Abakɔk 2:11

Di ston insay di wɔl go kray ɛn di bim dɛn go ansa..

Ozie 7:14

I se dɛn at nɔba de to am wɛn dɛn de pre, bifo dat dɛn kin lidɔm na dɛn bed ol nɛt de kray; we dɛn want dɛn plant dɛn fɔ gro sɛf, dɛn kin fala dɛn ɔda gɔd dɛn we fɔ wɔship ɛn kɔt kɔt dɛnsɛf fɔ gɛt dɛn.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”