Lamɛnteshɔn 2:15 - Krio Fɔs Oli Baybul

¹⁵ Ɔlman we de pas kin shɔk we dɛn si yu; dɛn de sɔktit ɛn shek dɛn ed we dɛn si Jerusɛlɛm in gyal pikin; “Na di siti dis we dɛn bin de kɔl di wan we fayn pas ɔl, di gladi gladi na di wɔl?”

Lamɛnteshɔn 2:15 Referans Kwoze

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Di Sam Dɛm 48:2

Dis siti ya fayn ɛn ay, i de mek pipul na di wanol wɔl gladi. I tan lɛk Mawnt Zayɔn we insɛf na sekred mawnten we de na di nɔth ɛn i ay.

Izikɛl 25:6

Bikɔs na dis Papa Gɔd we na Gɔd se; Bikɔs una dɔn klap una an dɛm ɛn stamp una fut de gladi, wit ɔl di malis we de insay una fɔ Izrɛl,

Jɛrimaya 19:8

Ɛn a go mek dis siti tɔn ples fɔ fred, ples we dɛn go de sɔktit pan; ɔlman we de pas nia de go fred ɛn sɔktit bikɔs ɔf ɔl di bad bad tin dɛn we dɔn mit dɛm.

Di Sam Dɛm 50:2

PAPA GƆD, we de nain os na Zayɔn, de shayn lɛk san na di wanol wɔl.

Zɛfinaya 2:15

Na di ples dis we bin de kak ɛn tink se i sɛf ɛn nɔbɔdi nɔ go ebul am. I de blɔf se nɔbɔdi nɔ go tan lɛk am. I nɔ fit fɔ natin igen, bush sɛf tɛl lay! Ɛnibɔdi we de pas usay i de go jɛs sɔktit.

Ayzaya 64:11

Wi oli ɛn fayn fayn os, usay wi papa dɛn bin de prez yu, faya dɔn bɔn am, ɛn ɔl di fayn fayn ples dɛn dɔn broko broko.

Ayzaya 37:22

na dis PAPA GƆD bin se bɔt am: “ ‘I nɔ rɛspɛkt yu, i de laf yu- di vajin gyal na Zayɔn; i de de shumu pan yu- we na Jerusɛlɛm in gyal pikin.

Di Sam Dɛm 22:7

We dɛn ɔl si mi, dɛn de provok mi; ɛn tek mi mek rederaun dɛn de pul int pan mi ɛn shumɔ pan mi;

Mak 15:29

Di pipul dɛn we bin de pas bin de shek dɛn ed ɛn ala pan Jizɔs. Dɛn se, “A min yu bin se yu go brok Gɔd in Os, ɛn yu go tek tri de fɔ bil am bak.

Matyu 27:39

Di pipul dɛn we bin de pas klos de, shek dɛn ed pan am ɛn laf am.

Neum 3:19

Natin nɔ de fɔ pul dɛn kɔmɔt pan di kayn trɔbul we dɛn fɛn fɔ dɛnsɛf. Ɔl udat yɛri bɔt wetin mit dɛn go dans wit gladi bikɔs nɔbɔdi nɔ de we nɔ tes dɛn bad wan.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Lamɛnteshɔn 2:16

Ɔl yu ɛnimi dɛn de provok yu wit bad at; dɛn de sɔktit ɛn de gren dɛn tit, de ala se: “Wi dɔn nyakanyaka am! Yɛs, na di de dis we wi bin de wet fɔ; naw i dɔn bi; wi si am!”

Lamɛnteshɔn 2:6

I dɔn brok in os lɛk we dɛn de brok fam os, pwɛl pwɛl ɔl di ples dɛn we dɛn de ol di difrɛn fist dɛm; PAPA GƆD dɔn mek dɛn tap di difrɛn difrɛn fist dɛn na Zayɔn ɛn di de we nɔ fɔ wok, ɛn we i vɛks, i dɔn pul ɔl wetin dɛn de tek blɔf pan ɔl dɛn kiŋ ɛn man dɛn we de mek sakrifays fɔ pipul sin.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 25:18

Jerusɛlɛm ɛn di siti dɛn na Juda, in kiŋ dɛm ɛn bigman dɛm, fɔ mek dɛm gud fɔ natin ɛn ɛmti, ples fɔ sɔktit ɛn ples we gɛt swɛ te tide;

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

2 Kronikuls 7:21

Dis os we una de es ɔp so, ɔlman we de pas go de se, ‘Wetindu PAPA GƆD du dis kayn tin to dɛn pipul dɛn ya ɛn to dis os?’ Ɛni bɔdi we de pas go shɔk ɛn se ‘Wetin mek PAPA GƆD du so to dis land ɛn to dis os?’

2 Kiŋ 19:21

so na dis i gɛt fɔ se bɔt am; Sɛnakarib, di yɔŋgyal dɛn na Zayɔn de laf yu ɛn provok yu, di uman dɛn na Jerusɛlɛm de laf yu we yu de rɔn.

Di Sam Dɛm 64:8

Dɛn go tɔn pan dɛnsɛf ɛn PAPA GƆD go alaki dɛn, ɔl udat si dɛn go de shumɔ pan dɛn.

Di Sam Dɛm 109:25

Ɔl mi ɛnimi dɛn de shumɔ pan mi; we dɛn de si mi, dɛn de pini.

Ayzaya 28:21

Bikɔs PAPA GƆD go grap lɛk aw i bin du na Mawnt Pɛrazim, i go rej lɛk aw i bin rej na Mawnt Gibɛɔn; fɔ du wetin i kin du-wetin i kin du kin strenj! Ɛn fɔ wok in wok-in wok kin strenj!

Jɛrimaya 48:27

Izrɛl nɔto bin ridikul to yu? Dɛn bin kech am wit tifman dɛm we mek ɛnitɛm una de tɔk bɔt am, una de shek una ed?

Lamɛnteshɔn 1:21

“Luk we a de pini: nɔbɔdi nɔ de fɔ koks mi. Ɔl mi ɛnimi dɛn dɔn yɛri bɔt mi wahala; dɛn ɔl gladi bikɔs na yu du mi so. Lɛ di de we yu bin dɔn se kam, ɛn lɛ mi ɛnimi dɛn sɔfa lɛk aw a de sɔfa.

Izikɛl 16:14

Ɛn una bin femɔs ɛn gɛt rɛspɛkt ɔlsay na wɔl fɔseka di fayn we una bin fayn, ɛn una nɔ bin gɛt ɛni bɔt, fɔseka di fayn fayn we a bin mek una fayn we ɔlman de kɔle pan, na so Papa Gɔd we na Gɔd se.

Di Sam Dɛm 48:3

PAPA GƆD de sho ɔlman se in na dɛn sikyɔriti; so wans dɛn de wit am, dɛn gɛt sikyɔriti.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Izikɛl 5:15

Yu go bi tin we dɛn de sɔktit pan, provok ɛn laf, yu go bi wɔnin ɛn tin we go mek pipul fred bad bad wan, to di neshɔn dɛn we de rawnd yu, wɛn a go kɛriawt mi jɔjmɛnt dɛn pan yu, bikɔs ɔf di vɛks we a vɛks bad bad wan, ɛn wit at at pɔnishmɛnt dɛn. Na mi PAPA GƆD dɔn tɔk so.

Izikɛl 16:13

Na so a drɛs una wit gold ɛn silva; ɛn una klos na bin fayn linin, ɛn silk, ɛn klos we dɛn wok wit trɛd; una bin de it fayn flawa, ɔni ɛn ɔyl, una bin fayn bad bad wan lɛk tin fɔ it, ɛn kan tan lɛk kwin.

Izikɛl 23:32

Na dis Papa Gɔd we na Gɔd se: “yu go drink na yu sista in kɔp we dip ɛn big. Dɛn go laf yu ɛn tek yu mek lafin stɔk bikɔs di kɔp gɛt bɔku tin insay;

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.