Lamɛnteshɔn 2:13 - Krio Fɔs Oli Baybul

¹³ Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Lamɛnteshɔn 2:13 Referans Kwoze

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

2 Samiɛl 5:20

So Devid go na Beal Pɛrazim ɛn na de i win di Filistin dɛn. I se PAPA GƆD dɔn mek mi ɛnimi dɛn fɔdɔm na mi fut lɛk aw wata de bɔs kɔmɔt na ples. So dɛn kɔl da ples de Beal Pɛrazim.

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Ayzaya 37:22

na dis PAPA GƆD bin se bɔt am: “ ‘I nɔ rɛspɛkt yu, i de laf yu- di vajin gyal na Zayɔn; i de de shumu pan yu- we na Jerusɛlɛm in gyal pikin.

Di Sam Dɛm 60:2

Yu dɔn lɛf wi to wisɛf te di kɔntri gɛt krak; Mek di krak dɛn ɔ nɔ so, wi kɔntri go fɔdɔm.

2 Kiŋ 19:21

so na dis i gɛt fɔ se bɔt am; Sɛnakarib, di yɔŋgyal dɛn na Zayɔn de laf yu ɛn provok yu, di uman dɛn na Jerusɛlɛm de laf yu we yu de rɔn.

Jɛrimaya 9:18

lɛ dɛn mekes kam ɛn kam bigin kray fɔ wi, so dat wata go rɔn wi yay, ɛn wi yay in kɔba go bɔs wata.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Izikɛl 32:31

Wɛn Fero go si dɛm, i go kɔrej insɛf fɔ ɔl in bɔku bɔku krawd, fero ɛn ɔl in soja man, PAPA GƆD tɔk se.