Lamɛnteshɔn 2:12 - Krio Fɔs Oli Baybul

¹² Dɛn de kray aks dɛn mama dɛn se “We di bred? We di wayn?” We dɛn de fent lɛk man dɛn we wund, na di trit dɛn na di siti, we dɛn de day na dɛn mama dɛn an.

Lamɛnteshɔn 2:12 Referans Kwoze

Izikɛl 30:24

Ɛn a go gi di Babilɔn kiŋ trɛnk nain an dɛm, ɛn put mi sɔd nain an; bɔt a go brok Fero in an dɛm. Ɛn i go pini dip wan bifo am, lɛk pɔsin we de day.

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Job 30:16

Layf nɔ min natin to mi igen, di sɔfa we a de sɔfa mek a wish fɔ day.

Di Sam Dɛm 42:4

As a de blo mi maynd, a mɛmba we mi ɛn ɔda pipul kin de lid machpas fɔ go na PAPA GƆD in os na Jerusɛlɛm, na so we kin de ala we wi de siŋ ɛn tɛl PAPA GƆD tɛnki as wi de sɛlibret.

Di Sam Dɛm 62:8

Una we abop pan am, una nɔ pul at pan am. Abop pan am ɔltɛm, bikɔs nain de kɔba wi lɛk aw fɔl de kɔba in pikin.

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Lamɛnteshɔn 4:4

Dɛn yɔŋ bebi dɛn tɔŋ kin fasin ɔp di pikin dɛn mɔt bikɔs dɛn tɔsti; di pikin dɛn de beg it fɔ it, bɔt nɔbɔdi nɔ de gi dɛm.

Ayzaya 51:20

Yu bɔypikin dɛn dɔn taya, dɛn ledɔm lidɔm na dɛn jɔnkshɔn dɛn na ɔl dɛn trit lɛk fritambo we dɛn kech na trap; dɛn dɔn fil wetin PAPA GƆD kin du we i vɛks, we na yu Gɔd in kɔrɛkshɔn.

Lamɛnteshɔn 1:11

Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”