Lamɛnteshɔn 2:11 - Krio Fɔs Oli Baybul

¹¹ Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Lamɛnteshɔn 2:11 Referans Kwoze

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

Job 16:13

In man dɛn we de shut bo ɛn aro de rawnd mi, I chɛr mi kidni dɛn opin, ɛn nɔ sɔri fɔ mi; ɔl mi bita bita kɔmɔt insay mi bɛlɛ go na grɔn.

Jɛrimaya 4:19

Di pen pasmak! Di pen pasmak! A nɔ go ebul bia igen! O mi at-kes! Mi at de bit fas fas; A nɔ go ebul bia; bikɔs a de yɛri di trɔmpɛt in sawnd, we na di alam fɔ wa.

Ayzaya 22:4

Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Di Sam Dɛm 6:7

Mi ɛnimi dɛn mek a dɔn kray te i tan lɛkɛ se mi yay want fɔ kɔmɔt.

Lyuk 23:29

Di tɛm de kam we dɛn go se, ‘I bɛtɛ fɔ dɛn uman we nɔ de bɔn pikin ɛn dɛn uman we nɔ bɔn pikin yet ɛn dɛn uman we nɔ gi pikin bɔbi wande!’

Jɛrimaya 44:7

Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Di Sam Dɛm 69:3

A dɔn taya fɔ ala fɔ mek yu ɛp mi; mi trot dɔn dray. Mi yay wan kɔmɔt, as a de luk fɔ mek PAPA GƆD ɛp mi.

Di Sam Dɛm 31:9

PAPA GƆD, duya, av masi pan mi a de pan siriɔs waala; a dɔn kray te mi yay dɛn ɔl de at ɛn i tan lɛk dɛn bit bit ɔl mi bɔdi.

1 Samiɛl 30:4

So nɔto kɔmɔn kray Devid ɛn in man dɛn kray. Na so dɛn de ala te dɛn bɛlful ɛn nɔ ebul kray igen

Ayzaya 38:14

A de ala lɛk da bɔd we dɛn kɔl swalo or lɛk kaw enjɛl, A de pini lɛk dɔv. A dɔn luk ɔp te mi yay dɛn dɔn taya. E PAPA GƆD, dɛn dɔn sɔprɛs mi, bi mi sikyɔriti!

Job 30:27

A kɔnfyus, ɛn mi at nɔ de rɛst atɔl; a de sɔfa ɛvri de.

Di Sam Dɛm 38:8

Mi bɔdi ɔl brok; a nɔ fiba misɛf igen A de pini ol de bikɔs mi at so ebi.

Di Sam Dɛm 119:82

A dɔn taya fɔ wet fɔ wetin yu prɔmis mi; a kin se “Ustɛm yu go kɔrej mi?”

Lamɛnteshɔn 5:17

Dat dɔn mek wi at pwɛl, wi nɔ de si bikɔs wata ful wi yay,

Ayzaya 51:20

Yu bɔypikin dɛn dɔn taya, dɛn ledɔm lidɔm na dɛn jɔnkshɔn dɛn na ɔl dɛn trit lɛk fritambo we dɛn kech na trap; dɛn dɔn fil wetin PAPA GƆD kin du we i vɛks, we na yu Gɔd in kɔrɛkshɔn.

Lamɛnteshɔn 1:11

Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”