Lamɛnteshɔn 2:10 - Krio Fɔs Oli Baybul

¹⁰ Di bigman dɛn na Jerusɛlɛm sidɔm na grɔn kwayɛt wan; dɛn dɔn put dɔst na dɛn ed ɛn dɔn wɛr saklɔth; di yɔŋgyal dɛn na Jerusɛlɛm dɔn butu dɛn ed na grɔn.

Lamɛnteshɔn 2:10 Referans Kwoze

Ayzaya 3:26

Ɛn in get dɛn go kray de munin; in go sidɔm na grɔn lɛk udat dɔn lɔs ɔltin na layf.

Ayzaya 15:3

dɛn ɔl rap dɛnsɛf wit saklɔth na trit; pantap dɛn os, ɛn na dɛn say fɔ gɛda ɔlman de kray ɛn pul wata na yay.

Emɔs 8:3

I se da de de di gladi siŋ we dɛn go de siŋ na di kiŋ in os go tɔn bɛrin. I se na dedebɔdi dɛn go lidɔm ɔlsay. I se wan sawnd dɛn nɔ gɛt fɔ yɛri we dɛn de trowe di dedebɔdi dɛn na do.

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Lamɛnteshɔn 3:28

Mek i sidɔm saful de luk we PAPA GƆD mek dɛn tin dɛn de mit am;

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Ayzaya 47:1

Kam dɔŋ kan sidɔm na dɔti grɔn, Yu Babilɔn in vajin gyalpikin; sidɔm na grɔn usay kiŋ chia sidɔm nɔ de, Yu we na dɛn Babilonian dɛn gyal pikin dɛn! Bikɔs dɛn nɔ go se yu bɔdi saf ɛn dɛliket, igen

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

Emɔs 8:13

Da de de, ivin dɛn yɔŋman ɛn yɔŋuman dɛn go fent wit tɔsti.

Emɔs 5:13

O - o! Dat min se dɛn wan we gɛt sɛns fɔ sɛt mɔt ɛn mek lɛk se dɛn nɔ si ɔl di bad bad tin dɛn we de bi.

Joɛl 1:8

I se dɛn fɔ kray ɛn wɛr munin fɔ sho se dɛn sɔri lɛk vajin we in man jɛs day yɔŋ wan.

Izikɛl 27:31

Dɛn shayn dɛn ed fɔseka yu, ɛn tay saklɔth pan dɛnsɛf, ɛn dɛn de kray oba yu, bay aw dɛn sol bita, ɛn wit bita bita munin

Lamɛnteshɔn 5:14

Di ol man dɛn nɔ de sidɔm na di siti get fɔ jɔj kes igen, ɛn di yɔŋman dɛn nɔ de ple dɛn myuzik igen.

Lamɛnteshɔn 5:12

Dɛn de ɛŋ wi bigman dɛn wit dɛn an; dɛn nɔ gi dɛn wan rɛspɛkt.

Lamɛnteshɔn 4:16

Na PAPA GƆD in sɛf sɛf skata dɛn, i nɔ bisin bɔt dɛn igen; di man dɛn we de mek sakrifays fɔ pipul sin nɔ bin gɛt wan rɛspɛkt igen, nɔbɔdi nɔ bin de du di bigman dɛn gud igen

Lamɛnteshɔn 4:5

Di wan dɛn we bin de it dɛn pɔsh pɔsh it de day na trit; di wan dɛn we bin gɛt ɔltin we dɛn de kam ɔp naw de fɛn tin na dɔtibɔks fɔ it.

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Ayzaya 47:5

Sidɔm kwayɛt, ɛn go na dak ples, Yu we na Babilonian dɛn gyal pikin; Bikɔs dɛn nɔ go kɔl yu di misis fɔ dɛn kindɔm, igen

Ayzaya 36:22

Ilkaya in bɔypikin we Iliakim, we na di administretɔ na di kiŋ in os, wit Shɛbna we na sɛktri ɛn Joa we na Esaf we de rayt in bɔypikin go to Kiŋ Ɛzikaya wit chɛr-chɛr klos ɛn tɛl am ɔl wetin di Rabshakɛ na Asiria se.

2 Samiɛl 13:19

Afta Amɔn dɔn pliz insɛf, Tama rɔb ashis nain ed ɛn chɛr di gawn we i bin wɛr dɔn i put in an nain ed, kɔmɔt na di os de kray as i de go.

Ayzaya 3:24

Bifo una gɛt pafyum, na bad bad sɛnt una go de gɛt; bifo una gɛt gadul, na rop go de; bifo una gɛt ia we mek fayn fayn wan, na bɔled dɛn go gɛt bifo dɛn gɛt dɛn dia dia klos, na saklɔth dɛn go tay; bifo dɛn fayn, na shem dɛn go shem.

Izikɛl 27:30

ɛn dɛn ɔl de kray lawd lawd wan fɔ yu, ɛn dɛn de kray bita bita wan. Dɛn de trowe dɔti na dɛn ed ɛn de rolpan asis.

Jona 3:6

Wɛn di kiŋ na Ninivɛ insɛf yɛri, i grap nain tron, pul in klos ɛn wɛr di sem munin klos ɛn kɔba insɛf wit ashis.