Lamɛnteshɔn 2:1 - Krio Fɔs Oli Baybul

¹ We PAPA GƆD dɔn trɛtin di wanol Zayɔn we i vɛks! I dɔn nyakanyaka ɔl wetin Izrɛl de tek blɔf; di tɛm we i vɛks, i nɔ luk sɛf se na Jerusɛlɛm in tɛmpul de.

Lamɛnteshɔn 2:1 Referans Kwoze

Di Sam Dɛm 132:7

Wi se, “Lɛ wi go usay PAPA GƆD de; lɛ wi butu nain fut ɛn wɔship am.”

1 Kronikuls 28:2

Nain Kiŋ Devid tinap ɛn tɔk se, “Mi brɔda ɛn mi pipul dɛn, una lisin wetin a de se. I bin de na mi at fɔ bil os usay PAPA GƆD in Ak ɔf di Kɔvinant go de, ɛn usay wi Gɔd insɛf go tap; ɛn a dɔn rɛdi ɔltin fɔ di bildin.

Lyuk 10:18

Jizɔs ansa dɛn se, “A si we Setan fɔdɔm kɔmɔt na ɛvin lɛkɛ laytin.

Matyu 11:23

Ɛn una we de na Kepanyɔm, wetindu una fil se una gɛt pawa pas ɔl di ɔda tɔŋ dɛn? Gɔd go sɛn una ɔl go ɛl! If a bin du dɛn wɔndaful wok we a du na una ples, na Sɔdɔm, dɛn wok de bin fɔ de sote tide.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Izikɛl 30:18

Di de go dak na Teafɛnɛz, di tɛm we a go brok Ijipt dɛn kɔntrolpan Tefaniz, ɛn in prawd pawa go dɔn, klawd nain go kɔba am ɛn dɛn go kech in gyal pikin dɛn ɛn kɛr dɛm go as prizina.

Di Sam Dɛm 99:5

Wɔship PAPA GƆD we na PAPA GƆD na di say we i sidɔm as Kiŋ; in na oli PAPA GƆD.

Lyuk 10:15

Una we de na Kepanyɔm, una min se una de go ɛvin? Na ɛl una go go!”

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Lamɛnteshɔn 4:1

Luk aw wi gold dɛn dɔn dɔl, aw piɔ gold dɔn chenj! Di oli ston dɛm ɔl skata na ɔl dɛn trit jɔnkshɔn.

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Ayzaya 64:11

Wi oli ɛn fayn fayn os, usay wi papa dɛn bin de prez yu, faya dɔn bɔn am, ɛn ɔl di fayn fayn ples dɛn dɔn broko broko.

2 Samiɛl 1:19

“E Izrɛl, di tin we yu de blɔf wit, lidɔm day wan naw! Hmm! We tɔf sojaman day na wɔfrɔnt na sɔri tin!

1 Samiɛl 4:21

I gi di pikin nem Ikabɔd bikɔs i se Izrɛl nɔ gɛt rɛspɛkt igen PAPA GƆD dɔn lɛf Izrɛl to insɛf we mek dɛn siz di ak ɔf di Kɔvinant, in fadɛnlɔ day ɛn in man sɛf day.

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Izikɛl 19:12

Bɔt dɛn bin rut di greps tik kɔmɔt we dɛn bin vɛks, ɛn trowe an kan dɔŋ na grɔn; di briz we de blo kɔmɔt na di ist bin mek i dray; dɛn pul ɔl in frut dɛn kɔmɔt pan am, in traŋa stɛm bin wida; faya bɔn am ɔltogɛda.

1 Samiɛl 4:22

I se we yu si dɛn siz di ak ɔf di Kɔvinant na PAPA GƆD dɔn kɔmɔt biɛn Izrɛl so.

Di Sam Dɛm 89:45

Yu dɔn mek i tɔn olpa kwik ɛn wɛr shem lɛkɛ se na klos.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Izikɛl 13:13

So, Papa Gɔd we na Gɔd se: a go mek wan ebi ebi briz blo bikɔs ɔf di vɛks we a vɛks; ɛn big big ren go kam bikɔs ɔf di vɛks we a vɛks; ɛn sɛf, insay di vɛks we a vɛks, big big broko broko ays go fɔdɔm fɔ pwɛl am.