Lamɛnteshɔn 1:8 - Krio Fɔs Oli Baybul

⁸ Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Lamɛnteshɔn 1:8 Referans Kwoze

Lamɛnteshɔn 1:11

Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”

Jɛrimaya 13:26

Na misɛf sɛf go es una skat kɔba una fes, ɛn una go disgres.

Jɛrimaya 13:22

Ɛn if una tɔk na una at se, ‘Wetindu dɛn tin dɛn ya dɔn apin to wi?’ Na bikɔs una sin dɛm dɔn bɔku nain mek dɛn dɔn es una skat dɛn ɔp, ɛn rep una.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Ozie 2:10

Na naw a go trip am nekɛd frɔnt in man dɛn we i bin de kip ɛn nɔbɔdi nɔ go ebul pul am na mi an

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.

Izikɛl 23:46

Bikɔs na dis Papa Gɔd we na Gɔd se: briŋ wan big big krawd kan mit dɛm, ɛn a go mek dɛm pipul we fɔ de du bad ɛn tin fɔ kapu kapu.

Izikɛl 23:29

Ɛn dɛn go dil wit yu wit etrɛd, ɛn tek ɔl di tin dɛn we yu dɔn wok fɔ go, ɛn lɛf yu nekɛd ɛn ɛmti, ɛn di nekɛdnɛs pan yu rarelayf go mɔs kɔmɔt na do. Na yu rudnɛs ɛn yu rarelayf

Lamɛnteshɔn 4:21

Una gladi o, pipul dɛn na Idɔm, una gladi, di pipul dɛnsɛf na Ɔz una gladi; bɔt di sɔfrin go pas to una wande; una go drɔnk ɛn trip unasɛf nekɛd.

Lamɛnteshɔn 2:10

Di bigman dɛn na Jerusɛlɛm sidɔm na grɔn kwayɛt wan; dɛn dɔn put dɔst na dɛn ed ɛn dɔn wɛr saklɔth; di yɔŋgyal dɛn na Jerusɛlɛm dɔn butu dɛn ed na grɔn.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 15:4

Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Jɛrimaya 6:28

Dɛn na traŋayes rebɛl dɛm, we de ɔlɔbɔt de koŋosa; dɛn na bras ɛn ayɛn, dɛn ɔl kɔrɔpt.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Ayzaya 47:3

Yu nekɛdnɛs go sho, ɛn yu shem go kɔmɔt na do. A go rivɛnj, ɛn a nɔ go lɛf nɔbɔdi.

1 Kiŋ 9:9

Pipul dɛn go de tɔk se na we una tɔn pan PAPA GƆD we na una PAPA GƆD we pul una papa dɛn kɔmɔt na Ijipt, dɔn una bigin wɔship ɔda gɔd dɛn, na ɔl dat mek i put disgres ɛn trɔbul pan una.”

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

1 Kiŋ 9:7

a go pul ɔl di Izrɛlayt dɛn na di land we a dɔn gi dɛn, dɔn a go lɛf di os we a dɔn kɔnsikret fɔ de wɔship mi. Izrɛl go tɔn to rederaun ɛn nɔbɔdi nɔ go luk una wit bɛtɛ yay.

Jɛnɛsis 3:7

We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.

Lamɛnteshɔn 1:17

Zayɔn kɔl fɔ lɛ dɛn ɛp am bɔt nɔbɔdi nɔ ɛp am; Na PAPA GƆD dɔn tɔk agens Jekɔb se, in neba dɛn go bi in ɛnimi dɛm; Jerusɛlɛm dɔn tɔn dɔti ɛn smɛl tin to in neba dɛm.

1 Kiŋ 9:6

“Bɔt if yu ɔ yu bɔypikin dɛn tɔn una bak pan mi, dɔn una nɔ obe mi kɔmandmɛnt ɛn de fala ɔda gɔd dɛn ɛn wɔship dɛn,

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Izikɛl 39:23

Ɛn di neshɔn dɛn go no se di Izrɛl pipul dɛn bin go bi prizina dɛm fɔseka di wikɛd tin dɛn we dɛn bin de du ɛn bikɔs dɛn bin so biev fɔls wan wit mi dat a bin ayd mi fes pan dɛm, ɛn a gi dɛm to dɛn ɛnimi dɛn an ɛn dɛn ɔl bin fɔdɔm bay di sɔd.