Lamɛnteshɔn 1:6 - Krio Fɔs Oli Baybul

⁶ Zayɔn in gyal pikin dɔn lɔs ɔl in fayn fayn luk ɛn rɛspɛkt. Di bigman dɛm dɔn tan lɛkɛ dɛn dia we nɔ ebul fɛn gras fɔ it; dɛn rɔnawe wik wik wan pan di pɔsin we de rɔnata dɛm.

Lamɛnteshɔn 1:6 Referans Kwoze

Izikɛl 24:25

“Ɛn yu mɔtalman; di de we a go tek wetin na dɛn protɛkshɔn kɔmɔt na dɛn an, we a go tek wetin kin mek dɛn gladi ɛn wetin mek dɛn femɔs, di tin dɛm we dɛn lɛk bad bad wan, ɛn sɛf dɛn bɔy ɛn gyal pikin dɛm kɔmɔt na dɛn an,

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Jɛrimaya 52:11

I pul Zɛdikaya in yay dɛm, ɛn tay am wit chen, ɛn di kiŋ na Babilɔn bin kɛr am go na Babilɔn ɛn put am na jel, sote di de we i day.

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Jɛrimaya 47:3

We in ɔs dɛn go de stamp dɛn fut, ɛn di chariɔt dɛm go de kam wit spid, ɛn dɛn wil dɛn go de mek ebi nɔys, papa nɔ go luk fɔ dɛn pikin dɛm we dɛn de rɔn, bikɔs dɛn an dɛm go wik,

Jɛrimaya 29:4

“Na dis PAPA GƆD Ɔlmayti we na Izrɛl dɛn Gɔd de se to ɔl di wan dɛn we de ɛgzayl we a sɛn kɔmɔt Jerusɛlɛm go ɛgzayl na Babilɔn:

Jɛrimaya 13:18

Tɛl di kiŋ ɛn di kwin mami se; “Una de wit di ɔdinari pipul dɛm, bikɔs una fayn fayn krawn dɔn kɔmɔt na una ed.”

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Ayzaya 4:5

Datɛnde, PAPA GƆD go mek klawd de oba di wanol Mawnt Zayɔn ɛn oba ɔl di wan dɛn we gɛda de, de tɛm, ɛn smok ɛn brayt brayt faya na nɛt; PAPA GƆD in glori go tan lɛk shed ɛn pavilyɔn.

Ayzaya 1:21

Da siti we bin de rɛspɛkt mi dɔn tɔn rare gyal, in we bin sabi trit ɔlman di sem! Nainsay am, fɔ waka tret na PAPA GƆD in yay, bin tap, bɔt naw, na mɔdra dɛn tap de.

Di Sam Dɛm 96:9

We yu de wɔship PAPA GƆD, yusɛf du am wit aje. Ɔlman na wɔl fɔ gɛt fred fɔ am.

Di Sam Dɛm 50:2

PAPA GƆD, we de nain os na Zayɔn, de shayn lɛk san na di wanol wɔl.

2 Kiŋ 19:21

so na dis i gɛt fɔ se bɔt am; Sɛnakarib, di yɔŋgyal dɛn na Zayɔn de laf yu ɛn provok yu, di uman dɛn na Jerusɛlɛm de laf yu we yu de rɔn.

Ditarɔnɔmi 32:30

Aw kɔm waŋren pɔsin ebul bit wan tawzin pipul, ɛn tu pipul mek tu tawzin pipul rɔnawe? Pas if di wan we de fɛt fɔ dɛn pul an pan dɛn, ɛn PAPA GƆD dɔn pul at pan dɛm.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

2 Kiŋ 25:4

So di sojaman dɛn na Jerusɛlɛm brok di wɔl rawnd di siti ɛn rɔnawe na nɛt pas tru di get we de midul di tu wɔl dɛn nia di kiŋ in gadin, ivin we di Babilonian dɛn bin dɔn sɔrawnd di siti. Dɛn rɔnawe go dɔŋ Araba,

2 Kiŋ 25:5

bɔt di Babilonian dɛn rɔnata di kiŋ ɛn kech am nia Jɛriko; da tɛm de naw in sojaman dɛn ɔl bin dɔn rɔnawe lɛf am.