Lamɛnteshɔn 1:5 - Krio Fɔs Oli Baybul

⁵ In ɛnimi dɛn dɔn bi in masta, in ɛnimi dɛn de go bifo, bikɔs PAPA GƆD dɔn mek i de sɔfa fɔ di bɔku sin dɛn we i dɔn kɔmit; dɛn dɔn kapchɔ ɛn kɛr in pikin dɛn go, as prizina dɛn na wa to dɛn ɛnimi.

Lamɛnteshɔn 1:5 Referans Kwoze

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Jɛrimaya 39:9

Nain Nɛbyuzaradan we na di kapten fɔ di gyadman dɛm, kɛr di balans pipul dɛn we bin lɛf na di siti, di wan dɛn we bin dɔn rɔnawe kɔmɔt de, ɛn di wan dɛm we bin lɛf, go ɛgzayl.

Lamɛnteshɔn 3:46

“Ɔl wi ɛnimi dɛn de provok wi wit bad at;

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Jɛrimaya 23:14

As fɔ di prɔfɛt dɛn na Jerusɛlɛm, a si bad bad tin pan dɛn we nɔ fayn fɔ du: dɛn de kɔmit lidɔm wit dɛn kɔmpin wɛf ɛn dɛn lay dɛn kayn nɔ de; dɛn de ɛp dɛn wan we de du bad, we mek nɔbɔdi nɔ de chenj kɔmɔt pan in wikɛd we; dɛn ɔl dɔn tan lɛkɛ Sɔdɔm to mi, ɛn di pipul dɛm we tap de, tan lɛkɛ Gɔmɔra.

Jɛrimaya 12:7

“A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.

Jɛrimaya 5:29

PAPA GƆD se, “A nɔ fɔ pɔnish dɛm fɔ dɛn tin dɛn de? Ɛn a nɔ fɔ rivɛnj fɔ mi nem pan neshɔn lɛkɛ dis kayn?

Ayzaya 63:18

Yu oli ples bin blant yu oli pipul dɛn lili wayl; wi ɛnimi dɛn dɔn mas mas am brok kan dɔŋ.

Di Sam Dɛm 89:42

Yu dɔn mek in ɛnimi dɛn ebul am; so dɛn ɔl de gladi lɛkɛ udat kres.

Di Sam Dɛm 80:6

Wi neba dɛn ɔl de fɛt fɔ tek wi land, ɛn wi ɛnimi dɛn de provok wi.

Ditarɔnɔmi 31:29

Mozis se in wan tɛl dɛn wetin in wan tɛl dɛn, bikɔs i no se dɛn nɔ go kia igen bɔt ɔl wetin i bin dɔn tich dɛn. I se tɛm go kam we bad bad tin dɛn go de apin to dɛn, bikɔs, dɛn go du bad bad tin te PAPA GƆD vɛks ɛn pɔnish dɛn.

Ayzaya 22:5

Bikɔs PAPA GƆD Ɔlmayti gɛt in yon de fɔ ala ala ɛn fɔ mas mas pipul ɛn fɔ mek kɔnfyushɔn na di Vali ɔf Vishɔn, fɔ bata wɔl kan dɔŋ ɛn fɔ ala to dɛn mawnten dɛn.

Jɛrimaya 10:20

Mi tɛnt dɔn pwɛl, ɛn ɔl di rop dɛn dɔn kɔt kɔt; mi pikin dɛn dɔn lɛf mi go; ɛn wan nɔ lɛf; nɔbɔdi nɔ de fɔ bil mi tɛnt bak, ɛn ɛŋ mi kɔtin dɛm.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Izikɛl 9:10

As fɔ mi, mi safyay nɔ go luk sɛf ɛn a nɔ go sɔri at ɔl, a go mek dɛn pe bak fɔ ɔl di bad tin dɛn we dɛn dɔn du.”

2 Kiŋ 21:15

bikɔs dɛn dɔn du bad bad tin; ɛn dɛn dɔn de fɛn in plaba frɔm di de we dɛn fɔstɛm-papa dɛn lɛf Ijipt.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”