Lamɛnteshɔn 1:3 - Krio Fɔs Oli Baybul

³ Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.

Lamɛnteshɔn 1:3 Referans Kwoze

Lamɛnteshɔn 2:9

Di get dɛn dɔn sink go insay di grɔn; di ba dɛn ɔl dɔn brok brok; di kiŋ ɛn bigman dɛm ɔl de wit di ɔda pipul dɛn; lɔ nɔ de igen ɛn di prɔfɛt dɛn nɔ de gɛt vishɔn to PAPA GƆD igen.

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Jɛrimaya 52:15

Ɛn Nɛbyuzaradan, we na di kapten pan di gyadman dɛm, kɛr sɔm pan di popoliopo dɛm ɛn di balans pipul dɛm we bin lɛf na di siti, ɛn di wan dɛm we bin dɔn rɔnawe kɔmɔt to di kiŋ na Babilɔn, togɛda wit di balans pipul dɛn we sabi wok wit dɛn an, go mek slev.

Jɛrimaya 52:8

Bɔt di Babilonian ami bin rɔnata di kiŋ, ɛn kech Zɛdikaya na di flat grɔn na Jɛriko; ɛn ɔl in sojaman dɛm bin skata ɛn nɔ bin de nia am.

Jɛrimaya 39:9

Nain Nɛbyuzaradan we na di kapten fɔ di gyadman dɛm, kɛr di balans pipul dɛn we bin lɛf na di siti, di wan dɛn we bin dɔn rɔnawe kɔmɔt de, ɛn di wan dɛm we bin lɛf, go ɛgzayl.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 16:16

“PAPA GƆD se, “Biliv mi, a de sɛn fɔ bɔku fishaman dɛm, ɛn dɛn go kech dɛm; afta dat, a go sɛn fɔ bɔku ɔntin man dɛm, ɛn dɛn go ɔntin dɛm na ɔl di mawnten ɛn ɔl dɛn il, ɛn ɔl di ol dɛm na dɛn rɔk.

Jɛrimaya 13:19

Di siti dɛn na di Nɛgɛb dɔn lɔk, ɛn nɔbɔdi nɔ de fɔ opin dɛm; dɛn dɔn kɛr di wanol Juda ɛgzayl, dɛn kɛr dɛn ɔl go ɛgzayl.

2 Kiŋ 25:21

Na Ribla we de na Amath di kiŋ gi ɔda se fɔ kil dɛn ɔl. Na so di pipul dɛn na Juda tek kɔmɔt na dɛn kɔntri go Ɛgzayl na Babilɔn.

2 Kiŋ 25:11

dɔn i kech ɔl di pipul dɛn we bin lɛf kɛr dɛn go Babilɔn. I kɛr ɔl dɛn ɔda wan dɛn we bin dɔn krɔs go fɔs oba to usay di kiŋ bin de.

2 Kiŋ 25:4

So di sojaman dɛn na Jerusɛlɛm brok di wɔl rawnd di siti ɛn rɔnawe na nɛt pas tru di get we de midul di tu wɔl dɛn nia di kiŋ in gadin, ivin we di Babilonian dɛn bin dɔn sɔrawnd di siti. Dɛn rɔnawe go dɔŋ Araba,

2 Kiŋ 25:5

bɔt di Babilonian dɛn rɔnata di kiŋ ɛn kech am nia Jɛriko; da tɛm de naw in sojaman dɛn ɔl bin dɔn rɔnawe lɛf am.

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Lamɛnteshɔn 4:15

Pipul dɛn de ala pan dɛn se, “Kɔmɔt na ya, yu we dɔti na PAPA GƆD yay; “Kɔmɔt na ya! Kɔmɔt na ya! Nɔ tɔch mi!” So dɛn tɔn pipul we dɛn nɔ want na ples ɛn jɛs de wirɔn ɔp ɛn dɔŋ; pipul dɛn ɔloba di wɔl de tɔk se, “Dɛn nɔ fit fɔ tap wit pipul dɛn igen”

Lamɛnteshɔn 5:5

Di ebi ebi wok we wi de wok de mɔna wi; wi dɔn taya, chans nɔ de fɔ blo.