Lamɛnteshɔn 1:2 - Krio Fɔs Oli Baybul

² Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Lamɛnteshɔn 1:2 Referans Kwoze

Di Sam Dɛm 6:6

A dɔn taya fɔ kray; a de kray ol nɛt; mi pila sok so bikɔs a de kray ol nɛt.

Mayka 7:5

Nɔ fɔ abop pan pɔsin, ivin yu buzɔm frɛn, na fɔ tek tɛm wetin yu de tɛl am.

Lamɛnteshɔn 1:21

“Luk we a de pini: nɔbɔdi nɔ de fɔ koks mi. Ɔl mi ɛnimi dɛn dɔn yɛri bɔt mi wahala; dɛn ɔl gladi bikɔs na yu du mi so. Lɛ di de we yu bin dɔn se kam, ɛn lɛ mi ɛnimi dɛn sɔfa lɛk aw a de sɔfa.

Lamɛnteshɔn 1:19

“A sɛn to di wan dɛn we mi ɛn dɛn gɛ dat bɔt dɛn mek lɛk dɛn nɔ no mi; mi man dɛn we de mek sakrifays fɔ pipul sin ɛn di bigman dɛn, day na di siti we dɛn de fɛn it fɔ it lɛ dɛn nɔ go day.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Jɛrimaya 4:30

Ɛn yu, yu we lɛf ɛmti wan, wetin yu min we yu drɛs wit brayt brayt rɛd, we yu dɛkɔret yusɛf wit ɔlkayn gold chen, riŋ ɛn baŋuls, ɛn prɛd yu yay dɛm wit pent? Yu de mek yusɛf fayn fayn fɔ natin. Yu lɔva dɛn nɔ want yu igen; dɛn de tray fɔ kil yu.

Di Sam Dɛm 31:11

Mi ɛnimi dɛn dɔn mek a tan lɛk lafin-stɔk to mi neba dɛn; dɛn nɔ tek mi mek natin. Mi padi dɛnsɛf nɔ wan si mi; udat dɛn si mi na trit de rɔnawe pan mi.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 17:13

Na di sem tin ɔl dɛn tɛn kiŋ ya want du, dɛn ɔl de gi di wayl bif dɛn pawa.

Ozie 2:7

I go rɔnata in man dɛn bɔt i nɔ go kech dɛn ɛn i go de luk fɔ dɛn bɔt i nɔ go fɛn dɛn. Na da tɛm de i go se mek i go bak to in maredman bikɔs i bin bɛtɛ fɔ am wɛn dɛn tu de, pas wɛn i de paspas.

Izikɛl 16:37

a go gɛda ɔl una switat, di wan dɛn we una bin de ɛnjɔy wit, ɔl di wan dɛn we una bin lɛk ɛn ɔl di wan dɛn we una bin de ɔlsay wit, ɛn a go pul una klos ɛn nekɛd una bifo dɛn, so dat ɔl man go si una nekɛdnɛs.

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Prɔvabs 19:7

If fambul dɛn nɔ de maks udat po, wetin yu go tɔk naw bɔt in padi dɛn? I lɛk aw i rɔnata dɛn, dɛn nɔ go gɛt in klɔk sɛf.

Job 7:3

na so a dɔn de mɔnt afta mɔnt nɔ de du natin bɛtɛ, semweso, na so a de sɔfa ɛvri nɛt.

Job 6:15

Mi padi dɛn de mek lɛk aw sɔm watasay kin mek, I kin gɛt wata wande, di ɔda de i dray,

Di Sam Dɛm 126:5

Pɔsin we kray we i de plant sid go gladi we di tɛm rich fɔ avɛst.

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Di Sam Dɛm 69:21

Dɛn gi mi pɔyzin fɔ it dɔn we a tɔsti dɛn gi mi viniga fɔ drink.