Lamɛnteshɔn 1:18 - Krio Fɔs Oli Baybul

¹⁸ “PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Lamɛnteshɔn 1:18 Referans Kwoze

Zɛfinaya 3:5

PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.

Di Sam Dɛm 119:75

A no se yu lɔ dɛn na fɔ jɔj tin dɛn di rayt we, ɛn na bikɔs yu de du tin dɛn di rayt we ɔltɛm lɛ yu pɔnish mi.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Jɛrimaya 12:1

PAPA GƆD, ɛni tɛm we a kɔmplen to yu, na yu kin gɛt rayt, Pan ɔl dat, a stil de kɛr mi kes go to yu. Wetindu wikɛd pipul dɛn de bɛtɛ na layf? Wetindu ɔl dɛn pipul dɛn we de ple dakadeke de bɛtɛ na layf?

Lamɛnteshɔn 3:42

“Wi dɔn du bad ɛn dɔn kɔmɔt biɛn yu, ɛn yu nɔ fɔgiv wi.

Di Sam Dɛm 107:11

afta we dɛn bin dɔn tɔn dɛn bak pan wetin PAPA GƆD se ɛn nɔ bisin bɔt wetin PAPA GƆD Ɔlmayti de tich.

Nɛimaya 9:33

Ɔl wetin dɔn apin to wi bin rayt bikɔs yu bin dɔn fethful to wi wayls wi de du rɔŋ ɛn yu na pɔsin we de gi wi wetindu fɔ wi.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Jɛrimaya 49:12

Bikɔs na dis PAPA GƆD se: “If dɛn wan dɛm we nɔ sɔpoz fɔ drink pan di kɔp, fɔ drink pan am paopa, yu tink se yusɛf nɔ fɔ gɛt pɔnishmɛnt? Yu nɔ go go fri, yusɛf fɔ drink de.

Di Sam Dɛm 145:17

PAPA GƆD nɔ miks pan bɛnbɛn ɛn i gud pan ɔl wetin i de du.

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Ɛzra 9:13

Naw wi de sɔfa bikɔs ɔf wi wikɛdnɛs ɛn wi dɔn sin. Di pɔnishmɛnt we wi de gɛt smɔl pas di bad we wi dɔn du, bɔt pan ɔl dat PAPA GƆD, yu mek we fɔ sɔm pan wi fɔ tɔn bak.

1 Kiŋ 13:21

I ala tɔk to di prɔfɛt we kɔmɔt Juda se PAPA GƆD tɛl am se fɔ we i dɔn du wetin PAPA GƆD se nɔ fɔ du,

1 Samiɛl 15:23

Bikɔs fɔ mek lɛk rebɛl pan PAPA GƆD jɛs tan lɛk yu de lukgrɔn ɛn fɔ mek tɔf pan am jɛs tan lɛk we man de wɔship ɔda gɔd dɛn. So sins yu lɛf fɔ du wetin PAPA GƆD want, insɛf nɔ want yu fɔ bi kiŋ igen”

Di Jɔj Dɛm 1:7

Nain Adɔnaybɛzɛk tɔk se na sɛvinti kiŋ we dɛn big fiŋa ɛn big to dɛn kɔt kɔmɔt, de pik pik di tin dɛn we de fɔdɔm ɔnda di tebul we i bin de it; wetin i bin du dɛn, nain PAPA GƆD dɔn tɔn gi an bak so. Dɛn kɛr an go Jerusɛlɛm usay i go day.

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Di Sam Dɛm 119:137

PAPA GƆD, yu de du tin tret wan, ɛn yu lɔ dɛnsɛf tret.

Jɛrimaya 4:17

PAPA GƆD se, dɛn sɔrawnd am lɛkɛ aw dɛn wan dɛn we de gyad fil kin de rawnd am, bikɔs i dɔn kɔmɔt biɛn mi.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Daniɛl 9:5

Wi dɔn kɔmit sin ɛn dɔn du bad, ɛn biev wikɛd wan ɛn tɔn wi bak ɛn nɔ du wetin yu lɔ ɛn ɔda dɛn se;

Emɔs 8:13

Da de de, ivin dɛn yɔŋman ɛn yɔŋuman dɛn go fent wit tɔsti.

Lamɛnteshɔn 5:16

Ɔl wi blɔf dɔn dɔn; wi dɔn gɛt wahala bikɔs wi dɔn kɔmit sin.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.