Lamɛnteshɔn 1:17 - Krio Fɔs Oli Baybul

¹⁷ Zayɔn kɔl fɔ lɛ dɛn ɛp am bɔt nɔbɔdi nɔ ɛp am; Na PAPA GƆD dɔn tɔk agens Jekɔb se, in neba dɛn go bi in ɛnimi dɛm; Jerusɛlɛm dɔn tɔn dɔti ɛn smɛl tin to in neba dɛm.

Lamɛnteshɔn 1:17 Referans Kwoze

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Lamɛnteshɔn 1:19

“A sɛn to di wan dɛn we mi ɛn dɛn gɛ dat bɔt dɛn mek lɛk dɛn nɔ no mi; mi man dɛn we de mek sakrifays fɔ pipul sin ɛn di bigman dɛn, day na di siti we dɛn de fɛn it fɔ it lɛ dɛn nɔ go day.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

2 Kiŋ 25:1

Zɛdikaya tɔn pan di Kiŋ Nɛbyukadnɛza na Babilɔn. Wɛn Zɛdikaya dɔn bi kiŋ fɔ nayn ia, nain Kiŋ Nɛbyukadnɛza mach in ami go insay Jerusɛlɛm. Dat bi di tɛn de na di tɛn mɔnt I sɔrawnd di wanol siti ɛn bil militri bes rawnd am.

Ozie 8:8

I se ɔltin dɔn dɔn fɔ Izrɛl, naw dɛn jɛs fiba nɔnɛntiti to di ɔda neshɔn dɛn.

Izikɛl 36:17

“mɔtalman, wɛn Izrɛl pipul bin tap na dɛn yon kɔntri, dɛn bin dɔti am bay aw dɛn bin de biev ɛn wetin dɛn de du; dɛn bievyɔ bifo mi bin tan lɛk we uman nɔ ba klin wɛn in mun de ɔp.

Lamɛnteshɔn 4:15

Pipul dɛn de ala pan dɛn se, “Kɔmɔt na ya, yu we dɔti na PAPA GƆD yay; “Kɔmɔt na ya! Kɔmɔt na ya! Nɔ tɔch mi!” So dɛn tɔn pipul we dɛn nɔ want na ples ɛn jɛs de wirɔn ɔp ɛn dɔŋ; pipul dɛn ɔloba di wɔl de tɔk se, “Dɛn nɔ fit fɔ tap wit pipul dɛn igen”

Lamɛnteshɔn 1:21

“Luk we a de pini: nɔbɔdi nɔ de fɔ koks mi. Ɔl mi ɛnimi dɛn dɔn yɛri bɔt mi wahala; dɛn ɔl gladi bikɔs na yu du mi so. Lɛ di de we yu bin dɔn se kam, ɛn lɛ mi ɛnimi dɛn sɔfa lɛk aw a de sɔfa.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Jɛrimaya 6:3

Sɔm shɛpad ɛn dɛn ship dɛn go kam fɛt am; dɛn go mek dɛn tɛnt dɛn rawnd am, ɔlman go mɛn dɛn animal dɛm usay dɛn want.

1 Kiŋ 8:38

if ɛnibɔdi pre to yu ɛn kɔnshɔs se in dɔn du bad, dɔn i tɔn to yu os ɛn es in an ɔp to yu,

1 Kiŋ 8:22

Sɔlɔmɔn tinap bifo di ɔlta usay ɔlman bin de si am ɛn es in an ɔp ɛn pre se,

Jɛrimaya 8:18

Mi sɔro nɔ de dɔn, mi at sik.

Jɛrimaya 12:9

Mi pipul dɛn we a klɛk dɔn tɔn to mi lɛk da spɔt spɔt bɔd we dɛn kin ɔntin fɔ it? Ɔl dɛn bɔd dɛn we dɛn de ɔntin fɔ it, de atak ɔlɔbɔt? Go, go gɛda ɔl dɛn wayl animal dɛn; briŋ dɛm lɛ dɛn kam it.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Ayzaya 54:11

E, yu we de sɔfa, we tinada dɔn blo, ɛn nɔbɔdi nɔ koks yu, lisin to mi, a go sɛt yu ston dɛn insay saf silva wayt ayɛn, ɛn le yu fawndeshɔn dɛm wit safaya.

Jɛrimaya 15:5

Udat go sɔri fɔ yu, Yu Jerusɛlɛm, ɔ udat go kray nain at fɔ yu? Udat go lɛf wetin i de du fɔ aks bɔt yu?