Lamɛnteshɔn 1:15 - Krio Fɔs Oli Baybul

¹⁵ PAPA GƆD nɔ tek ɔl mi ebi ebi sojaman dɛn mek natin, man dɛn we de wit mi; i gɛda man dɛn agens mi fɔ kil mi yɔŋman dɛn; PAPA GƆD dɔn nyakanyaka di vajingyal dɛn na Juda lɛk we dɛn kin mas mas greps usay dɛn de mek wayn.

Lamɛnteshɔn 1:15 Referans Kwoze

Malakay 4:3

Dɛn go ebul fɔ pul am pan di bad man bikɔs dɛn go mas dɛn bad wan dɛn lɛk dɔti ɔnda dɛn fut, di de we in PAPA GƆD go akt.

Ayzaya 63:3

“Mi wangren dɔn mas mas di say we dɛn de mek wayn, ɛn nɔbɔdi pan di pipul dɛn nɔ bin de wit mi; A waka dɛm wit wamat ɛn mas mas dɛn wit vɛksteshɔn; dɛn blɔd we de gi dɛn layf sprinkul pan mi klos, a dɔn sten ɔl wetin a wɛr.

Ayzaya 28:18

Datɛnde, una Kɔvinant wit day go pwɛl, ɛn una agrimɛnt wit ɛl nɔ go ol wata igen; wɛn di pasmak pɔnishmɛnt go pas usay una de, i go mɔs wap una dɔŋ.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Mayka 7:10

Da tɛm de, in ɛnimi go si korokoro wan ɛn dɛn wan dɛn we bin de aks usay PAPA GƆD, we nain GƆD de, go shem. Insɛf go gladi fɔ si se ɔl wetin in ɛnimi bin de du to ɔda pipul, nain de apin to dɛn naw. Dɛnsɛf go si aw ɔda pipul go de trit dɛn lɛk aw dɛn de mas pɔtɔpɔtɔ na trit.

Daniɛl 3:13

Nain Nɛbyukadnɛza vɛks bad bad wan, ɛn se lɛ dɛn briŋ Shedrak, Mishak ɛn Abɛdnigo to am. So dɛn bin briŋ dɛn kam to di kiŋ.

Lamɛnteshɔn 3:34

Fɔ du bad to ɔl di prizina dɛn na di wanol wɔl,

Jɛrimaya 51:34

“Nɛbyukadnɛza we na kiŋ na Babilɔn dɔn kil mi, i dɔn nyamanyama mi, i dɔn mek a dɔn tɔn lɛkɛ ɛmpti kɔp, i dɔn swɛla mi lɛkɛ mɔnsta; i dɔn fulɔp in bɛlɛ wit mi fayn fayn it dɛm, i dɔn trowe di balans.

Jɛrimaya 50:26

Una atak am ɔlɔbɔt; una opin in sto dɛm; payl am lɛk we dɛn kin payl rɛs, ɛn nyakanyaka am kaptakapta; le natin nɔ lɛf pan am.

Jɛrimaya 37:10

Ivin if una kil di wanol Babilonian ami we de fɛt una, ɛn na so so man dɛm we wund nɔmɔ lɛf, ɛn dɛn ɔl lidɔm insay dɛn tɛnt dɛm, dɛn go mɔs grap ɛn bɔn dis siti wit faya.’”

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Ayzaya 41:2

Udat shek pɔsin kɔmɔt na di ist we viktri de mit am ɛni mas we i mas? I mek neshɔn dɛn sɔrɛnda bifo am so dat i de sɔprɛs kiŋ dɛn; i de mek dɛn lɛk dɔst wit in sɔd, ɛn lɛk chaf we briz de blo go, wit in bo ɛn aro.

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Di Sam Dɛm 119:118

Yu nɔ de tɔlaret dɛn wan we nɔ bisin bɔt wetin yu lɔ dɛn se, dɛn de wes dɛn tɛm.

2 Kiŋ 9:33

so i tɛl dɛn se lɛ dɛn fliŋ Jɛzibɛl oba di winda. Dɛnsɛf fliŋ am oba di winda. We i fɔdɔm in blɔd ɔl skata na di wɔl ɛn pan di ɔs dɛn we dɛn bin de mas mas am.

Di Jɔj Dɛm 10:8

ɛn datɛnde, dɛn sho di Izrɛlayt dɛn pɛpɛ; dɛn trit ɔl di Izrɛlayt dɛn we bin de oba riva Jɔdan na di Amɔrayt dɛn kɔntri na Giliad, bad bad wan fɔ etin ia.

Ditarɔnɔmi 28:33

Pipul dɛn we dɛn nɔ no wande, go kam it ɔl wetin dɛn wok fɔ, ɛn trit dɛn bad bad na dɛn yon kɔntri.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

Jɛrimaya 13:24

A go skata una lɛk chaf chaf we briz we kɔmɔt na ɛmti ples we pɔsin nɔ go ebul tap, de blo.

Joɛl 3:13

Put di nɛf we fɔ tek avɛst de bikɔs di tin dɛn fɔ avɛst dɔn rɛp. Fɔ go usay dɛn de mek wayn bikɔs di ples dɔn ful. Di kyas dɛn fɔ di wayn ful te dɛn rɔnoba, bikɔs di bad we de pan dɔn pasmak.

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.