Lamɛnteshɔn 1:14 - Krio Fɔs Oli Baybul

¹⁴ Dɛn tay ɔl di bad tin dɛn we a dɔn du, wan say lɛk ebi lod; na PAPA GƆD sɛf tay dɛn ɔl togɛda; i put dɛn ɔl na mi nɛk; I mek a wik dɔn i sɛl mi to pipul dɛn we a nɔ go ebul fɛt.

Lamɛnteshɔn 1:14 Referans Kwoze

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Izikɛl 25:7

a de tɛl una, a dɔn rɛdi fɔ dil wit una, ɛn gi una lɛk prɛzɛnt to ɔda neshɔn dɛm; ɛn a go pul una kɔmɔt pan di pipul dɛn, ɛn mek una day kɔmɔt lɛf di ɔda kɔntri dɛm; a go dɔnawe wit una. Na da tɛm de una go no se na mi na PAPA GƆD.

Izikɛl 25:4

fɔseka dat, A gi una to di pipul dɛn na di ist as dɛn yon, ɛn dɛn go bil dɛn kamp wit una ɛn bil dɛn os dɛn insay una kɔntri; dɛn go it una frut dɛm ɛn drink una milk.

Jɛrimaya 28:14

Bikɔs na dis PAPA GƆD Ɔlmayti we na Izrɛl dɛn Gɔd se: A dɔn put ayɛn yok fɔ ad lebɔ na ɔl dɛn neshɔn ya dɛn nɛk fɔ wok fɔ Nɛbyukadnɛza we na kiŋ na Babilɔn, ɛn dɛn go sav am, bikɔs a dɔn ivin gi am dɛn animal na bush.’”

Prɔvabs 5:22

Di bad tin we pɔsin de du na trap, ɛn na da vɛri trap de de kech am.

Ozie 5:14

A go tan lɛk layɔn we nyamanyama it we i kech na Ifrem bɔt biev lɛk yɔŋ layɔn to Juda ɛn nɔ pwɛl am bɛtɛ. A nɔ go pwɛl dɛn nɔmɔ, a go tek dɛn go usay a wan go; dɛn go de wit mi ɛn nɔbɔdi nɔ go ebul pul dɛn na mi an.

Izikɛl 23:28

Ɛn na dis Papa Gɔd we na Gɔd se: Lisin, a go gi yu to di wan dɛn we una et, di wan dɛn we yu bin fɛdɔp wit ɛn bin kɔmɔt biɛn.

Izikɛl 21:31

Ɛn a go put mi vɛksteshɔn pan una; a go blo mi vɛksteshɔn in faya pan una; ɛn a go gi una to dɛn kruɛl pipul dɛm, pipul dɛn we sabi fɔ nyakanyaka gud gud wan.

Izikɛl 11:9

Ɛn a go pul una kɔmɔt de, ɛn a go gi una to fɔrina dɛn, ɛn kɛriawt jɔjmɛnt pan una.

Jɛrimaya 37:17

nain kiŋ Zɛdikaya sɛn se mek dɛn kɛr am go to am, ɛn i tɛl am kabɔ. Nain di kiŋ aks am sikrit wan nain os se, “Yu nɔ gɛt nɔn wɔd frɔm PAPA GƆD?” Jɛrimaya se, “A gɛt.” Nain i se, “Di kiŋ na Babilɔn go kapchɔ yu.”

Jɛrimaya 32:5

ɛn i go tek Zɛdikaya go Babilɔn, ɛn na de i go de sote a go waka to am. Ɔlwe una go fɛt di Babilonian dɛm, una nɔ go ebul dɛm’?”

Jɛrimaya 27:12

A de tɔk di sem tin to Zɛdikaya we na kiŋ na Juda: “Yu ɛn yu pipul fɔ put unasɛf ɔnda di kiŋ na Babilɔn, ɛn sav in ɛn in pipul dɛm so dat una nɔ go day.

Jɛrimaya 27:8

“ ‘ “Bɔt if ɛni neshɔn ɔ kindɔm nɔ gri sav dis Nɛbyukadnɛza we na kiŋ na Babilɔn, ɛn nɔ rɛdi fɔ du ɛnitin, ɛnitɛm, fɔ di kiŋ na Babilɔn, a go pɔnish da neshɔn de wit wa, wit bad bad aŋri ɛn wit siknɛs, te a dɔn mek Nɛbyukadnɛza nyakanyaka am kpatakpata. Na so PAPA GƆD se.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Ayzaya 14:25

so go distrɔy di Asinan na mi land ɛn mas mas am na mi mawnten dɛn; ɛn di slev wok we i bin de gi dɛn, go tap, ɛn in lod go kɔmɔt na dɛn sholda.”

Jɛrimaya 28:13

I se, “Go, tɛl Ananaya se:, ‘Na dis PAPA GƆD se: Yu dɔn brok di bod yok, bɔt instɛ ɔf bod yok, a go mek ayɛn yok.

Jɛrimaya 32:3

Bikɔs Zɛdikaya we na kiŋ na Juda bin dɔn lɔk am ɔp, de se, “Wetin du yu fɔ prɔfisay se, ‘Na dis PAPA GƆD se: A de tɛl una, a de gi dis siti to di kiŋ na Babilɔn, ɛn i go kapchɔ am;

Mayka 2:3

PAPA GƆD se fɔseka dis, i go pɔnish dɛn kayn man dɛn de dɛn famili; i go gi dɛn lod we dɛn nɔ go ebul tot dɔn nɔbɔdi nɔ go ɛp dɛn. Da tɛm de dɛn go lɛf fɔ kak bikɔs tin go bad fɔ dɛn.