Lamɛnteshɔn 1:11 - Krio Fɔs Oli Baybul

¹¹ Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”

Lamɛnteshɔn 1:11 Referans Kwoze

Jɛrimaya 52:6

Di de we mek nayn insay di mɔnt we mek fo, di aŋri bin dɔn so pasmak na di siti dat natin nɔ bin de fɔ di pipul dɛn fɔ it.

Jɛrimaya 38:9

“Mi masta we na di kiŋ, dɛn man ya dɔn du bad bay wetin dɛn du to Jɛrimaya we na prɔfɛt, we dɛn put am insay da wɛl; ɛn i go day de wit angri, bikɔs nɔn it nɔ lɛf na di siti.”

Lamɛnteshɔn 2:12

Dɛn de kray aks dɛn mama dɛn se “We di bred? We di wayn?” We dɛn de fent lɛk man dɛn we wund, na di trit dɛn na di siti, we dɛn de day na dɛn mama dɛn an.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Jɛrimaya 19:9

A go mek dɛn it dɛn bɔypikin ɛn gyalpikin dɛm, ɛn ɔlman go de it in neba, di tɛm we dɛn go sɔrawnd dɛm ɛn distrɛs dɛm, we na dat dɛn ɛnimi dɛm ɛn dɛn wan we de afta dɛn layf, de tek mɔna dɛm.

Job 40:4

“Mi na natin; wetin mi go ansa se? A nɔ go mistek se natin.

2 Kiŋ 6:25

Da tɛm de, bad bad aŋri bin de na Sameria. Di aŋri bin so mɔna dat dɛn bin de sɛl wan dɔŋki ed eti silva kɔpɔ ɛn smɔl vɛjitebul fayv silva kɔpɔ.

Jɛrimaya 15:19

Fɔseka dat, na dis PAPA GƆD se; “If yu kam bak, a go tek yu bak, ɛn una go sav mi stil. If yu de tɔk soba tɔk ɛn nɔ de tɔk rɔbish, na yu go de tɛl pipul wetin a se. Dɛn go tɔn to yu, bɔt yu nɔ gɔ tɔn to dɛm.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Lamɛnteshɔn 5:1

PAPA GƆD, mɛmba ɔl wetin dɔn bi to wi; luk wi ɛn si we wi dɔn disgres!