Lamɛnteshɔn 1:10 - Krio Fɔs Oli Baybul

¹⁰ Di ɛnimi dɔn tif ɔl in dia dia tin dɛn; fɔ tru, i dɔn si ɔda neshɔn dɛn go insay di tɛmpul, pipul dɛn we yu PAPA GƆD dɔn se nɔ fɔ go insay usay yu pipul dɛn de wɔship yu.

Lamɛnteshɔn 1:10 Referans Kwoze

Ditarɔnɔmi 23:3

Di Amonayt ɛn di Moabayt dɛn, te to di tɛn jɛnareshɔn, nɔ fɔ de na PAPA GƆD in pipul dɛn mitin,

Jɛrimaya 51:51

‘Wi de shem, bikɔs wi dɔn yɛri disgresful tin; disrɛspɛkt dɔn mek wi kɔba wi fes, bikɔs trenja dɛn dɔn kam insay di oli ples dɛm na PAPA GƆD in os.

Lamɛnteshɔn 1:7

We Jerusɛlɛm de sɔfa so ɛn de sɔk trɔbul, i mɛmba ɔl di dia dia tin dɛn we i bin gɛt lɔlɔntɛm. Di tɛm we in ɛnimi dɛn bin kapchɔ in pipul dɛn, ɛn nɔbɔdi nɔ bin de fɔ ɛp am, in ɛnimi dɛn laf am, de tek in dawnfɔl provok am.

Nɛimaya 13:1

Da de de dɛn rid wetin rayt na di Buk ɔf Mozis lawd wan fɔ ɔlman fɔ yɛri. Nain dɛn fɛnɔt se, dɛn rayt de se, dɛn nɔ fɔ mek ɛni Amonayt ɔ Moabayt kam usay PAPA GƆD in pipul dɛn de,

Mak 13:14

“Una go si di bad bad tin tinap na di ples we i nɔ fɔ de.” (Una we de rid: una ɔndastand wetin dis min.) “Da tɛm de di pipul dɛn na Judia fɔ rɔnawe go na dɛn il,

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Izikɛl 9:7

Dɛn i tɛl dɛn se, “Una mek di os dɔti na mi yay, ɛn ful di kɔt yad wit di wan dɛn we dɛn kil. Una go!” So dɛn go, ɛn kil di pipul dɛn na di siti.

Izikɛl 7:22

A go tɔn mi bak pan dɛn so dat dɛn go mek mi prɛshɔs ples nɔ gɛt rɛspɛkt igen; tifman dɛn go go insay de ɛn mek i lɔs rɛspɛkt,

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Jɛrimaya 20:5

Pantap dat, a go gi ɔl di siti in jɛntri, ɛn in prɔfit, ɔl in tiŋs dɛm we prɛshɔs to am, ɛn ɔl di kiŋ dɛn jɛntri we dɛn bin kip, to dɛn ɛnimi dɛm, we go tek dɛn tiŋs dɛn, kapchɔ dɛm ɛn kɛr dɛn go Babilɔn.

Jɛrimaya 15:13

“A go giwe ɔl una jɛntri ɛn ɔl una dia dia tin dɛn we una kip, to pipul dɛn we go bit una na wa, fɔseka ɔl di sin dɛn we una kɔmit na una wanol eria,

Ayzaya 63:18

Yu oli ples bin blant yu oli pipul dɛn lili wayl; wi ɛnimi dɛn dɔn mas mas am brok kan dɔŋ.

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Ditarɔnɔmi 23:4

bikɔs dɛn nɔ bin gi di Izrɛlayt dɛn wata ɛn tin fɔ it we dɛn bin de kɔmɔt Ijipt, bifo dat, dɛn bin go tek Belam, Bɛɔ we kɔmɔt Pɛtɔ na Mɛsopotemia in pikin, ɛn pe am fɔ put swɛ pan dɛn.

2 Kronikuls 36:18

Ɛn ɔl di besin dɛm na PAPA GƆD in os big ɛn smɔl di prɛshɔs ɛn dia tin dɛm na PAPA GƆD in os ɛn di prɛshɔs ɛn dia tin dɛm na di kiŋ ɛn di prins dɛn os dɛm ɔl dɛm wande i briŋ kam Babilɔn.

Jɛrimaya 27:19

Bikɔs na dis PAPA GƆD Ɔlmayti se bɔt di pila dɛm, di si, di stand dɛm, ɛn di balans vɛsul dɛm we lɛf insay dis siti,

Jɛrimaya 27:21

na dis PAPA GƆD Ɔlmayti we na Izrɛl dɛn Gɔd, se, kɔnsanin di vɛsul dɛm we lɛf na PAPA GƆD in os, di wan dɛm na di kiŋ na Juda in os, ɛn na Jerusɛlɛm: