Jɔshwa 9:9 - Krio Fɔs Oli Baybul

⁹ Dɛn ansa Jɔshwa se dɛn si dɛnsɛf lɛkɛ Jɔshwa dɛn slev dɛn ɛn kɔmɔt na wan fawe kɔntri. Dɛn kam fɔseka PAPA GƆD bikɔs dɛn dɔn yɛri bɔt an ɛn ɔl wetin i dɔn du na Ijipt,

Jɔshwa 9:9 Referans Kwoze

Jɔshwa 9:24

Nain di Gibɛɔnayt dɛn se dɛn lay gi Jɔshwa dɛn bikɔs dɛn bin dɔn yɛri se PAPA GƆD we na dɛn PAPA GƆD bin dɔn tɛl in wokman Mozis traŋa wan se, i fɔ kil ɔl di pipul dɛn na di land we i sho an ɛn gi di land to di Izrɛlayt dɛn. So dɛn bin de fred bad bad wan fɔ dɛn layf.

Ditarɔnɔmi 20:15

I se na so di Izrɛlayt dɛn fɔ dil wit dɛn ɛnimi dɛn na ɔl dɛn siti dɛn we de fa frɔm di say we dɛn de.

Ayzaya 66:19

Ɛn a go put wan sayn to dɛn. Ɛn a go sɛn di wan dɛn we nɔ day pan dɛn go na difrɛn neshɔn dɛm, dat na Tashish, Tubal ɛn Javan, to dɛn fa fawe kɔntri dɛn we de nia si, ɛn nɔ yɛri bɔt mi yet ɛn nɔ si mi glɔri yet; na dɛn go go tɛl dɛn bɔt mi glɔri.

Ayzaya 55:5

A de tɛl yu, yu go sɛn kɔl neshɔn dɛn we una nɔ no, ɛn neshɔn dɛn we nɔ bin no, go rɔn kam to yu, Fɔseka PAPA GƆD we na una Gɔd, di Oli Wan na Izrɛl bikɔs I dɔn es una ɔp na wɔl.

Di Sam Dɛm 148:13

Lɛ dɛn ɔl prez PAPA GƆD, bikɔs nain pas ɔltin na wɔl; i pawaful pas ɛnitin na ath ɛn na ɛvin.

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Nɛimaya 9:5

Di Livayt dɛn we na Jɛshwa, Kadmiɛl, Bani, Ashabnia, Sherɛbaya, Odaya, Shibanaya ɛn Pɛtaya se mek ɔlman tinap ɛn prez PAPA GƆD, di GƆD we go de sote go. Dɛn se, “Mek wi blɛs PAPA GƆD in nem. Di nem we pas ɔl ɔda nem we wi kin prez.

1 Kiŋ 8:41

“Fɔrina dɛn go de kɔmɔt na fa kɔntri kam na ya bikɔs ɔf wetin dɛn yɛri bɔt yu;

Di Nɔmba Dɛm 14:15

If yu kil ɔl dɛn pipul ya di sem tɛm, dɛn neshɔn we bin dɔn yɛri ɔl dɛn gud tin bɔt yu, go se

Ɛksodɔs 15:14

Wɛn ɔda neshɔn dɛn yɛri wetin yu du, dɛn trimbul; Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Apɔsul Dɛn Wok 8:7

Dɛn dɛbul kin ala lawd wan we dɛn de kɔmɔt insay pipul. Plɛnti pipul we nɔ bin ebul waka, bigin waka.

Di Nɔmba Dɛm 20:14

Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.

Jɔshwa 9:10

wetin i bin du di tu Amorayt kiŋ; Kiŋ Sayɔn na Ɛshbɔn ɛn Kiŋ Og fɔ Beshan we bin tap na Ashtarɔt na di ist pat na Riva Jɔdan.

Jɔshwa 9:16

Tri de afta dɛn mek di wan wɔd, nain Jɔshwa dɛn gɛt fɔ no se dɛn pipul de na dɛn neba dɛn ɛn dɛn nɔ de fawe.

Jɔshwa 9:17

So Jɔshwa dɛn go mit di Gibɛɔnayt dɛn da sem de de na dɛn siti dɛn, we na Gibɛɔn Siti, Chɛfira Siti, Biarɔt Siti ɛn Kiriath Jɛarim Siti.

Ditarɔnɔmi 20:11

I tɛl dɛn se if dɛn gri fɔ pis, ɛn dɛn opin dɛn get lɛ di Izrɛlayt dɛn go insay ɛn go tek chaj na dɛn siti, di Izrɛlayt dɛn fɔ mek dɛn slev lɛ dɛn wok fɔ dɛn bay fos.

Di Sam Dɛm 78:12

I ple mirekul dɛn frɔnt dɛn fes. Dɛn si dɛn korokoro wan na Ijipt na di Zoan rijɔn.