Jɔshwa 9:8 - Krio Fɔs Oli Baybul

⁸ Nain dɛn tɛl Jɔshwa dɛn se dɛn go bi slev dɛn to Jɔshwa dɛn. Nain Jɔshwa aks dɛn udat na dɛn ɛn usay dɛn kɔmɔt.

Jɔshwa 9:8 Referans Kwoze

2 Kiŋ 10:5

So di man we bin de inchaj ɔf di kiŋ in os, di gɔvna dɛn, di bigman dɛn ɛn ɔl di ɔda agbagba dɛn sɛn mɛsej to Jeu se dɛn nain bɔbɔ dɛn, ɛn dɛn rɛdi fɔ du ɛnitin we i se; bɔt dɛn nɔ go mek nɔbɔdi kiŋ, so lɛ in du wetin i want.

Ditarɔnɔmi 20:11

I tɛl dɛn se if dɛn gri fɔ pis, ɛn dɛn opin dɛn get lɛ di Izrɛlayt dɛn go insay ɛn go tek chaj na dɛn siti, di Izrɛlayt dɛn fɔ mek dɛn slev lɛ dɛn wok fɔ dɛn bay fos.

Jɔshwa 9:11

Dɛn se na dat mek dɛn bigman dɛn ɛn di pipul dɛn na dɛn kɔntri se paopa, dɛn fɔ pak tin dɛn fɔ it na rod fɔ travul ɔl di we jɔs fɔ go tɛl Jɔshwa dɛn se, dɛn si dɛnsɛf lɛkɛ dɛn slev dɛn, so mek dɛn mek wan wɔd wit dɛn.

Jɔshwa 9:27

Bɔt frɔm da de de, Jɔshwa mek dɛn de kɔt wud ɛn gɛt wata fɔ dɛn ɛn fɔ PAPA GƆD in os te di tɛm we dɛn bin de rayt dis buk.

Jɔshwa 9:25

Dɛn se dɛn nɔ gɛt pawa fɔ du natin ɛn ɔl di pawa de na Jɔshwa dɛn an, so lɛ dɛn du wetin dɛn tink se rayt.

Jɔshwa 9:23

Jɔshwa swɛ dɛn fɔ dat; i se frɔm da de de, sɔm pan dɛn go bi slev sote go fɔ jɔs de kɔt wud ɛn gɛt wata fɔ in PAPA GƆD in os.

Jɔshwa 10:6

So di Gibɛɔnayt dɛn sɛn to Jɔshwa na Gilgal mɛmba an bɔt di wanwɔd we dɛn bin dɔn swɛ se dɛn gɛt, ɛn lɛ dɛn go de kwik go sev dɛn, bikɔs di Amorayt kiŋ dɛn we de na di il, dɔn gɛda fɔ go fɛt dɛn.