Jɔshwa 9:25 - Krio Fɔs Oli Baybul

²⁵ Dɛn se dɛn nɔ gɛt pawa fɔ du natin ɛn ɔl di pawa de na Jɔshwa dɛn an, so lɛ dɛn du wetin dɛn tink se rayt.

Jɔshwa 9:25 Referans Kwoze

Jɛnɛsis 16:6

Ebram ansa se, “Wɛl, na yu slev gyal ɛn i de ɔnda yu; du ɛnitin we yu want du wit am.” Seray bigin trit Ega bad sote i gɛt fɔ rɔnawe.

Jɛrimaya 26:14

Bɔt, as fɔ mi, a de na una an. Una du mi wetin una fil se gud ɛn rayt.

Di Jɔj Dɛm 10:15

Nain di Izrɛlayt dɛn tɛl PAPA GƆD se dɛn gri se dɛn dɔn kɔmit sin, so lɛ i du dɛn ɛni ɔda tin, bɔt duya, lɛ i pul dɛn kɔmɔt pan trɔbul da de de.

Matyu 11:26

Lɛ i bi so, Papa, bikɔs na so yu want.

Jɛrimaya 38:5

Nain Kiŋ Zɛdikaya se, wɛl, di man de na una an, bikɔs di kiŋ kyant do ɛnitin agens una.”

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

2 Samiɛl 24:14

Devid tɛl Gad se in riali de fil bad ɛn nɔ no wetin fɔ du. Devid se in go lɛk PAPA GƆD fɔ tɔk aw i go pɔnish am bikɔs PAPA GƆD at list go sɔri fɔ am. I se in nɔ want mɔtalman an de atɔl.

1 Samiɛl 3:18

So Samiɛl insɛf tɛl am ɔl wetin PAPA GƆD bin tɛl am. I nɔ ayd natin. We Ilaɛl yɛri wetin PAPA GƆD se, i se, “Nain na PAPA GƆD, lɛ i du wetin rayt fɔ am.”

Di Jɔj Dɛm 8:15

Nain Gidiɔn go mit di pipul dɛn na Sukɔth go sho dɛn Zibɔ ɛn Zalmuna, ɛn mɛmba dɛn aw dɛn bin tɛl am se pas i kapchɔ Zibɔ ɛn Zalmuna bifo dɛn go gi in man dɛn tin fɔ it we dɛn bin aŋri ɛn taya.

Jɔshwa 9:26

So Jɔshwa tinap fɔ di Gibɛɔnayt dɛn ɛn nɔ mek dɛn kil dɛn.

2 Samiɛl 15:26

I se, if PAPA GƆD se i nɔ gladi wit am dɛn in rɛdi fɔ mek i du wetin i wan du wit am.

2 Kiŋ 10:5

So di man we bin de inchaj ɔf di kiŋ in os, di gɔvna dɛn, di bigman dɛn ɛn ɔl di ɔda agbagba dɛn sɛn mɛsej to Jeu se dɛn nain bɔbɔ dɛn, ɛn dɛn rɛdi fɔ du ɛnitin we i se; bɔt dɛn nɔ go mek nɔbɔdi kiŋ, so lɛ in du wetin i want.