Jɔshwa 9:14 - Krio Fɔs Oli Baybul

¹⁴ Bifo Jɔshwa dɛn aks PAPA GƆD wetin fɔ du, dɛn nɔ du dat; dɛn biliv dɛn ɛn grap go it pan di pipul dɛn tiŋs dɛn we dɛn kɛr go de.

Jɔshwa 9:14 Referans Kwoze

Di Nɔmba Dɛm 27:21

I fɔ tinap bifo Ɛlieza we na di man we de mek sakrifays fɔ pipul sin dɔn in go yuz di Yurim ɛn aks PAPA GƆD wetin i want am fɔ du. Na we PAPA GƆD se dɛn fɔ go nain dɛn fɔ go ɛn we PAPA GƆD se dɛn fɔ kam, nain dɛn fɔ kam.

Di Jɔj Dɛm 1:1

Afta Jɔshwa day, di Izrɛlayt dɛn aks PAPA GƆD se uswan pan di fambul dɛn fɔs fɔ go atak di Kenanayt dɛn.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Ɛzra 8:21

We wi de nia di riva na Aava, a tɛl di pipul dɛn se lɛ wi fast ɛn pre to PAPA GƆD ɛn lɛ ɔlman ɔmbul insɛf to am fɔ lɛ i go gayd wi ɛn kɔba wi pikin dɛn ɛn wi prɔpati dɛn.

2 Samiɛl 5:19

So Devid aks PAPA GƆD if i fɔ go atak di Filistin dɛn. I fɛnɔt if PAPA GƆD go mek lɛ i win dɛn. PAPA GƆD ansa am se lɛ i go. PAPA GƆD se in mɔs mek Devid win di Filistin dɛn.

Di Jɔj Dɛm 20:28

ɛn na Finɛas we na Ɛlieza, Erɔn in pikin, in yon pikin bin de waka bifo di ak) se if dɛn fɔ go fɛt dɛn brɔda dɛn we na di Bɛnjaminayt dɛn bak, ɔ dɛn nɔ fɔ go. PAPA GƆD tɛl dɛn se dɛn fɔ go bikɔs in go mek dɛn bit di Bɛnjaminayt dɛn.

2 Samiɛl 2:1

As di tɛm de go, Devid fɛnɔt frɔm PAPA GƆD if i fɔ go na wan pan di siti dɛn we de insay Juda. PAPA GƆD se yes, i fɔ go. Devid aks am uswan. PAPA GƆD ansa am se, i fɔ go na Ɛbrɔn.

Di Jɔj Dɛm 20:18

Di Izrɛlayt dɛn go Bɛtɛl go aks PAPA GƆD se, us wan pan di fambul dɛn fɔs fɔ go atak di Bɛnjamin fambul. Nain PAPA GƆD tɛl dɛn se na di Juda fambul fɔs fɔ atak di Bɛnjamin fambul.

1 Samiɛl 22:10

I tɛl dɛn se Abimɛlɛk bin ivin tray fɔ no wetin PAPA GƆD want tɛl Devid. I tɛl dɛn se Abimɛlɛk gi Devid sɔm provishɔn ɛn di sɔd we Golayath, da Filistin man bin yuz.

Ɛksodɔs 28:30

Put di Yurim ɛn Thumim insay di pawch in pɔkit so dat dɛn go de na Erɔn in at we i de kam bifo PAPA GƆD. Erɔn fɔ de wɛr dis pawch ɔltɛm fɔ lɛ i go de no wetin PAPA GƆD mekɔp fɔ in pipul dɛn.

Jɔshwa 9:13

Dɛn tɛl Jɔshwa dɛn igen se dɛn lɛda bag dɛn we dɛn kin put wayn bin nyu we dɛn bin de put wayn de fɔ kam, bɔt bay di tɛm we dɛn de rich to Jɔshwa dɛn, dɛn ɔl dɔn bɔs bɔs. Dɛn se na bikɔs dɛn kɔmɔt fa mek ɔl dɛn klos ɛn sus dɛn broko broko.