Jɔshwa 8:35 - Krio Fɔs Oli Baybul

³⁵ Wan layn nɔ de we Mozis bin rayt na di lɔ we Jɔshwa nɔ rid lɛ ɔl di man dɛn, di uman dɛn ɛn di pikin ɛn fɔrena dɛn ɔl yɛri.

Jɔshwa 8:35 Referans Kwoze

Ditarɔnɔmi 31:12

I tɛl dɛn se ɔlman we de na Izrɛl fɔ de de; man uman ɛn pikin, ivin di trenja dɛn we de wit dɛn fɔ de de, so dat dɛn ɔl go yɛri di lɔ ɛn no se dɛn fɔ rɛspɛkt PAPA GƆD we na dɛn PAPA GƆD, ɛn mek shɔ se dɛn du ɔl wetin di lɔ se dɛn fɔ de du,

Nɛimaya 8:2

So Ɛzra briŋ di buk we di lɔ rayt kam na do to di pipul dɛn, di fɔs de na di mɔnt we mek sɛvin. Man dɛn, uman dɛn ɛn ɔl udat we ebul fɔ ɔndastand wetin Ɛzra de rid bin de de.

Jɛrimaya 26:2

“Na dis PAPA GƆD se: tinap na PAPA GƆD in yad nain os ɛn tɛl ɔl di pipul dɛn, we kɔmɔt na di siti dɛm na Juda, we kam wɔship na PAPA GƆD in os, ɔltin we a bin kɔmand yu fɔ tɛl dɛm; nɔ lɛf wan wɔd.

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Mak 10:14

Bɔt wɛn Jizɔs si wetin di lanin bɔy dɛn de du, i vɛks pan dɛn, i se, “Una mek di pikin dɛn kam to mi, una nɔ tap dɛn; na pipul lɛkɛ dɛn pikin ya, go kam ɔnda Gɔd in rul.

Joɛl 2:16

fɔ mek ɔlman we gɛda oli; fɔ kɔl ɔl di big pipul togɛda gɛda dɛn pikin dɛn ɛn ivin dɛn wan we de sɔk bɔbi. Ɔkɔ ɛn yawo sɛf fɔ kɔmɔt na do.

Ɛzra 10:1

We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Ditarɔnɔmi 29:11

dɛn wɛf ɛn smɔl smɔl pikin dɛn, ɛn di fɔrina dɛn we de kɔt wud ɛn tot wata fɔ dɛn, sɛf bin de de,

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Ditarɔnɔmi 4:2

I tɛl dɛn se dɛn nɔ fɔ put ɔ pul natin pan wetin i bin dɔn tɛl dɛn se PAPA GƆD we na dɛn PAPA GƆD bin se dɛn fɔ de du ɛn nɔ fɔ de du, so dat dɛn go du di kɔrɛkt tin dɛn we I se.

Ɛksodɔs 12:38

Bɔku pipul dɛn we nɔto bin Izrɛlayt bin fala dɛn go ɛn dɛn bin kɛr bɔku bɔku ship, got ɛn kaw dɛn.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Ditarɔnɔmi 29:9

Mozis bin tɛl dɛn se lɛ dɛn mek shɔ se dɛn du ɔl wetin dɛn bin gri se dɛn go de du, we dɛn mek di Kɔvinant wit PAPA GƆD, so dat bɛtɛ go fala dɛn.

Ditarɔnɔmi 29:10

Mozis se, dɛn ɛn dɛn lida dɛn ɔl tinap bifo PAPA GƆD we na dɛn PAPA GƆD,

Nɛimaya 8:3

I rid lawd lawd wan na di bare frɔm do klin te santɛm bifo di Wata Get usay di man dɛn, di uman dɛn ɛn ɔl udat kin ɔndastand de. Na so ɔlman we de de, de pe atɛnshɔn to wetin rayt insay di buk we di lɔ rayt.