Jɔshwa 8:33 - Krio Fɔs Oli Baybul

³³ Ɔl di Izrɛlayt dɛn, di trenja dɛn ɛn di wan dɛn we bɔn de, wit bigman fɔ di famili dɛn ɛn di bigman dɛn fɔ di neshɔn, bin tinap na di tu say fes to fes wit di man dɛn we de mek sakrifays fɔ pipul sin ɛn PAPA GƆD in Ak ɔf di Kɔvinant de midul. Sɔm pan dɛn bin tinap gi dɛn bak to Mawnt Gɛrizim we di ɔda wan dɛn yon bak bin tɔn to Mawnt Ebal. Dat na wetin Mozis we na bin PAPA GƆD in wokman bin dɔn tɛl dɛn fɔ blɛs di Izrɛlayt dɛn.

Jɔshwa 8:33 Referans Kwoze

Ditarɔnɔmi 11:29

Mozis tɛl dɛn se we PAPA GƆD go dɔn kɛr dɛn go na di land we dɛn de go fɔ go kapchɔ, dɛn fɔ tinap na Mawnt Gɛrizim ɛn tɛl PAPA GƆD se, if dɛn du ɔl wetin i se dɛn fɔ de du, mek dɛn gɛt di blɛsin dɛn we i se i go gi dɛn. Afta dat, dɛn fɔ go na Mawnt Ebal go tinap de ɛn tɛl PAPA GƆD se if dɛn nɔ du ɔl wetin i se dɛn de du, lɛ i pɔnish dɛn.

Ditarɔnɔmi 31:12

I tɛl dɛn se ɔlman we de na Izrɛl fɔ de de; man uman ɛn pikin, ivin di trenja dɛn we de wit dɛn fɔ de de, so dat dɛn ɔl go yɛri di lɔ ɛn no se dɛn fɔ rɛspɛkt PAPA GƆD we na dɛn PAPA GƆD, ɛn mek shɔ se dɛn du ɔl wetin di lɔ se dɛn fɔ de du,

Ditarɔnɔmi 31:9

Mozis rayt PAPA GƆD in lɔ gi Livay in bɔypikin dɛn we na di man dɛn we de mek sakrifays fɔ pipul sin, ɛn de tot di Ak ɔf di Kɔvinant. Ɛn i gi ɔl di bigman dɛn na Izrɛl dɛnsɛf.

Jɔshwa 24:1

Jɔshwa sɛn tɛl ɔl di difrɛn difren fambul dɛn na Izrɛl fɔ mit na Shɛkɛm Siti. We dɛn go de, i kɔl ɔl di ol pipul dɛn, di bigman dɛn; di pipul dɛn we de bifo di difrɛn fambul dɛn, di jɔj dɛn ɛn ɔlman na Izrɛl fɔ go tinap bifo PAPA GƆD in Ak ɔf di Kɔvinant.

Jɔshwa 4:18

As di man dɛn we de mek sakrifays fɔ pipul sin, we tot di Ak ɔf di Kɔvinant pul fut na di wata so, Riva Jɔdan ful bak ɛn ovaflo lɛkɛ aw i bin de wantɛm wantɛm.

Jɔshwa 3:3

ɛn tɛl di Izrɛlayt dɛn se, we dɛn si di man dɛn we de mek sakrifays fɔ pipul sin tot PAPA GƆD we na dɛn Gɔn in Ak ɔf di Kɔvinant de go, dɛn ɔl fɔ de biɛn am,

Ditarɔnɔmi 31:25

i bin tɛl di Livayt dɛn we kin tot PAPA GƆD in Ak ɔf di Kɔvinant traŋa wan se,

Di Nɔmba Dɛm 15:29

Na di sem lɔ de fɔ di fɔrina ɛn di bɔn Izrɛlayt wans i nɔ sin bay wilful.

Di Nɔmba Dɛm 15:16

So ɔl di lɔ dɛn we de fɔ dɛn fɔ de fɔ di fɔrina dɛn we tap wit dɛn.

Ɛksodɔs 12:49

Na dis lɔ yaso dɛn fɔ yuz pan ɛni bɔdi we na Izrɛlayt ɔ fɔrina.”

Jɔshwa 23:2

i sɛn kɔl ɔlman na Izrɛl wit ɔl di bigman dɛn na di fambul dɛn, di Jɔj ɛn di bigman dɛn na Izrɛl ɛn tɛl dɛn se in dɔn ol bad bad wan,

Jɔshwa 6:6

So Jɔshwa we na Nɔn in pikin kɔl di man dɛn we de mek sakrifays fɔ pipul sin, we kin tot di Ak ɔf di Kɔvinant ɛn tɛl dɛn se lɛ dɛn tot di Ak ɔf di Kɔvinant ɛn lɛ sɛvin ɔda man dɛn we de mek sakrifays fɔ pipul sin, de blo sɛvin trɔmpɛt we dɛn tek man ship ɔn mek, bifo PAPA GƆD in ak.

Jɔshwa 4:10

Di man dɛn we de mek sakrifays fɔ pipul sin we tot di Ak ɔf di Kɔvinant tinap insay Riva Jɔdan te Jɔshwa dɔn tɛl di pipul dɛn wetin Mozis bin dɔn tɛl an se PAPA GƆD se fɔ tɛl dɛn. Di pipul dɛn krɔs kwik kwik.

Jɔshwa 3:14

Di pipul dɛn kɔmɔt na di kamp ɛn go fɔ krɔs riva Jɔdan. Di man dɛn we de mek sakrifays fɔ pipul sin we tot di Ak ɔf di Kɔvinant bin dɔn go bifo wit di ak.

Lɛvitikɔs 24:22

I se na di sem lɔ fɔ gɛt fɔ di trenja midul dɛn ɛn fɔ di bɔn Izrɛlayt; bikɔs nain na PAPA GƆD.

Jɔshwa 3:6

I tɛl di man dɛn we de mek sakrifays fɔ pipul sin fɔ tot di Ak ɔf di Kɔvinant de go bifɔ. Dɛn tek di Ak ɔf di Kɔvinant ɛn go bifo.

Jɔn 4:20

Wi grampapa papa dɛn bin se na dis big il pipul fɔ de go pre to Gɔd, bɔt una di Ju dɛn se na Jerusɛlɛm wi fɔ go wɛn wi want pre to Gɔd.”

Di Nɔmba Dɛm 15:15

Na di sem lɔ di kɔmyuniti fɔ gɛt fɔ di fɔrina we tap wit dɛn ɛn fɔ dɛnsɛf. Dɛn ɛn di fɔrina na di sem bifo PAPA GƆD.