Jɔshwa 8:31 - Krio Fɔs Oli Baybul

³¹ Jɔs lɛk aw Mozis we na bin PAPA GƆD in wokman bin dɔn tɛl di Izrɛlayt dɛn fɔ du, dɛn bil an wit ston we dɛn nɔ kɔt wande. Na di ɔlta dɛn mek sakrifays we dɛn kin bɔn di tin dɛn, ɛn pis sakrifays to PAPA GƆD.

Jɔshwa 8:31 Referans Kwoze

2 Kronikuls 35:12

Ɛn dɛn put di bɔn ɔfrin wan say fɔ shelɔ am akɔdin to aw dɛn di pipul dɛn sheb bay papa os fɔ ɔfa am to PAPA GƆD, lɛk aw dɛn rayt am na Mozis in bak ɛn na so dɛn du wit di man kaw dɛm.

Jɔshwa 1:8

PAPA GƆD se lɛ Jɔshwa mek shɔ se dɛn de rid di Lɔ Buk ɛnitɛm we dɛn pre to am ɛn wɔship am. I se dɛn fɔ de rid an de ɛn nɛt, so dat dɛn go no ɔl wetin de de fɔ ebul du ɔl wetin di lɔ se, so bɛtɛ go fala dɛn pan ɔl wetin dɛn put an pan.

Ɛksodɔs 24:5

I sɛn sɔm yɔŋ man dɛn fɔ bɔn animal as sakrifays ɛn kil kaw fɔ mek pis sakrifays to PAPA GƆD.

Ɛksodɔs 18:12

Nain Jɛthro, dat na Mozis in fadɛnlɔ gi wan animal fɔ mek dɛn bɔn am as sakrifays to PAPA GƆD. Erɔn ɛn di ɔda Izrɛlayt bigman dɛn jɔyn Mozis in fadɛnlɔ pan di sakrifays ɛn it wit am ɛn wɔship PAPA GƆD.

Matyu 12:26

Aw Setan in rul go tinap, if Setan in yon pipul dɛn de fɛt dɛnsɛf?

Nɛimaya 13:1

Da de de dɛn rid wetin rayt na di Buk ɔf Mozis lawd wan fɔ ɔlman fɔ yɛri. Nain dɛn fɛnɔt se, dɛn rayt de se, dɛn nɔ fɔ mek ɛni Amonayt ɔ Moabayt kam usay PAPA GƆD in pipul dɛn de,

Ɛzra 6:18

Dɔn dɛn put di man dɛn we de mek sakrifays fɔ pipul sin ɛn di Livayt dɛn na difrɛn difrɛn grup ɛn tɛl dɛn ustɛm fɔ du dɛn wok na PAPA GƆD in os na Jerusɛlɛm. Dɛn du ɔl dɛn tin ya lɛkɛ to wetin rayt insay Mozis in buk.

2 Kronikuls 25:4

Bɔt i nɔ kil dɛn pikin dɛm, fɔseka wetin di lɔ se insay Mozis in buk usay PAPA GƆD kɔmand se, “Dɛn nɔ fɔ kil di Papa dɛm fɔseka dɛn pikin dɛm, ɛn dɛn nɔ kil di pikin dɛm fɔseka dɛn papa dɛm; bɔt ɔlman fɔ day fɔ inyon sin.”

2 Kiŋ 22:8

Ilkaya tɛl Shafan se in fɛn di Buk we di Lɔ rayt pan insay PAPA GƆD in os. I gi Shafan di buk ɛn i rid am.

2 Kiŋ 14:6

bɔt i nɔ kil dɛn pikin dɛn bikɔs i bin de go akɔdin to di Lɔ we PAPA GƆD gi Mozis se, “Papa nɔ fɔ day fɔ pikin, ɛn pikin nɔ fɔ day fɔ papa; ɔlman fɔ day fɔ in yon sin.”

Ditarɔnɔmi 27:2

I tɛl dɛn se di de we dɛn go krɔs Riva Jɔdan go na di land we PAPA GƆD we na dɛn Gɔd bin dɔn se i go gi dɛn, dɛn fɔ put big big ston dɛn lɛ dɛn tinap ɛn plasta dɛn wit simɛnt;

Ditarɔnɔmi 27:8

Mozis tɛl dɛn se dɛn fɔ rayt ɔl di lɔ dɛn na di ston dɛn we i bin tɛl dɛn fɔ put fɔ tinap, ɛn dɛn fɔ mek shɔ se dɛn rayt am klia wan.