Jɔshwa 8:28 - Krio Fɔs Oli Baybul

²⁸ Jɔshwa ɛn di Izrɛlayt sojaman dɛn bɔn Ay ɛn na so i de bɔn wan lɛk we yu pak dɔti, te di tɛm we dɛn bin de rayt dis buk.

Jɔshwa 8:28 Referans Kwoze

Ditarɔnɔmi 13:16

I se dɛn fɔ put ɔl di pipul dɛn tiŋs dɛn na forod ɛn bɔn dɛn fɔ sakrifays to PAPA GƆD we na dɛn PAPA GƆD. Aw dɛn go si di siti dɔn tan we i go dɔn bɔn dɔn, na so i fɔ lɛf; nɔbɔdi nɔ fɔ bil am bak.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Jɛrimaya 50:26

Una atak am ɔlɔbɔt; una opin in sto dɛm; payl am lɛk we dɛn kin payl rɛs, ɛn nyakanyaka am kaptakapta; le natin nɔ lɛf pan am.

Jɛrimaya 49:2

PAPA GƆD se, fɔseka dat, di tɛm de kam we A go mek di pipul dɛn yɛri di ala we pipul dɛn kin ala na wa, na Raba we na dɛn Amonayt dɛn siti; i go tɔn gud fɔ natin ip, ɛn dɛn go bɔn dɛn vilej dɛm wit faya; na datɛnde Izrɛl go tek land na di pipul dɛn an, we bin tek dɛn land. Na so PAPA GƆD se.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Ayzaya 25:2

Bikɔs yu dɔn tɔn di siti to dɔti ip, di siti we gɛt protɛkshɔn dɔn broko broko; dɛn fɔrina dɛn kiŋ os nɔto siti igen, dɛn nɔ go eva bil am bak.

Ayzaya 17:1

Wetin PAPA GƆD se go apin to Damaskɔs. A de tɛl una, Damaskɔs nɔ go bi siti igen, ɛn i go tan lɛk ples we broko broko tin dɛn pak.

2 Kiŋ 19:25

Yu nɔ bin dɔn yɛri yet ɛn? Lɔntɛm nain a dɔn plan dat fɔ bi. Na mi se na so i fɔ bi, fɔ lɛ yu nyakanyaka di kɔntri to grabul ɛn na so i bi.

Jɔshwa 4:9

Pantap dat, Jɔshwa mek dɛn pak twɛlv ston na di ples we di man dɛn we de mek sakrifays fɔ pipul sin bin tinap insay Riva Jɔdan, ɛn dɛn bin de de te di tɛm we dɛn bin de rayt dis buk.

Jɔshwa 8:29

Dɛn ɛŋ di Ay kiŋ na tik ɛn lɛf in bɔdi de te ivintɛm we dɛn pul an de go trowe an na di frɔnt say fɔ go insay di siti, usay dɛn kɔba di bɔdi wit bɔku bɔku ston we de de te di tɛm we dɛn bin de rayt dis buk.

Ditarɔnɔmi 13:17

I advays dɛn se dɛn nɔ fɔ tek natin pan di tin dɛn we na fɔ PAPA GƆD. I se dɛn fɔ bɔn dɛn ɔl. Dat go mek PAPA GƆD nɔ go vɛks pan dɛn igen, bɔt i go de sɔri fɔ dɛn ɛn go mek bɛtɛ fala dɛn. I se i go mek dɛn bɔn bɔku pikin dɛn, jɔs lɛk aw i bin dɔn prɔmis dɛn fɔstɛm-papa dɛn,