Jɔshwa 8:20 - Krio Fɔs Oli Baybul

²⁰ We di man dɛn na Ay tɔn ɛn si smok de kɔmɔ na dɛn siti, dɛn nɔ bin ebul rɔn go bifo, dɛn nɔ bin ebul tɔn bak bikɔs dɛn dɔn no stret se, dɛn ɛnimi dɛn dɔn kapchɔ dɛn siti.

Jɔshwa 8:20 Referans Kwoze

Rɛvɛleshɔn 19:3

Dɛn tɔk bak se, “Aliluya, una lɛ wi prez Gɔd, di smok we de kɔmɔt na di faya we de bɔn Babilɔn go de sote go.”

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Ayzaya 34:10

I go bɔn de ɛn nɛt ɛn nɔ go ɔt; in smok go de go ɔp sote go. I go de ɛmti wan frɔm jɛnareshɔn to jɛnareshɔn; nɔbɔdi nɔ go pas de sote go.

Di Sam Dɛm 76:5

Di bad man dɛn wit trɛnk dɔn day. Dɛn dɔn tek ɔl wetin dɛn bin de tek fɛt kɔmɔt na dɛn an; ɔl dɛn trɛnk ɛn sabi nɔ min natin igen dɛn nɔ ebul fɛt sɛf.

Job 11:20

Bad pipul nɔ go ɔndastand wetin de apin; dɛn nɔ go si rod fɔ kɔmɔt pan dɛn yon trɔbul, di op nɔmɔ we dɛn gɛt datɛnde, na fɔ mek dɛn day.

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Jɔshwa 8:19

We Jɔshwa pɔynt in spia to Ay, di sojaman dɛn we bin le ambush, rɔn go insay di siti, kapchɔ am ɛn dɛn nɔ wɛstɛn fɔ layt kwik.

Jɔshwa 8:21

We di Izrɛlayt sojaman dɛn si se dɛn kɔmpin dɛn we bin le ambush dɔn kapchɔ di siti, dɛn lɛf fɔ rɔn; dɛn tɔn rawnd ɛn fɔdɔm pan di Ay sojaman dɛn ɛn kil kil dɛn.

Di Jɔj Dɛm 20:38

Di Izrɛl sojaman dɛn we bin drif di Bɛnjaminayt ɛn di wan dɛn we bin sɛt ambush na Gibia, bin mek ɔp se, we di man dɛn we bin sɛt ambush rawnd Gibia kapchɔ di siti, dɛn fɔ mek faya we go pul tik tik smok.

Di Jɔj Dɛm 20:40

We di smok we de kɔmɔt na di siti bigin go ɔp, we na bin di Izrɛlayt dɛn signal, di Bɛnjaminayt dɛn tɔn biɛn ɛn wɔnda fɔ si se faya dɔn kech dɛn siti.

Di Jɔj Dɛm 20:41

Nain di Izrɛlayt dɛn tɔn rawnd fɔ fɛt, we mek di Bɛnjaminayt dɛn at pwɛl bikɔs dɛn si se dɛn dawnfɔl dɔn rich.