Jɔshwa 8:2 - Krio Fɔs Oli Baybul

² I se dɛn fɔ trit dɛn lɛk aw dɛn bin trit di kiŋ ɛn in pipul dɛn na Jɛriko, bɔt dɛn kin tek di pipul dɛn na Ay dɛn tiŋs dɛn, ɛn dɛn kaw dɛn fɔ dɛnsɛf. PAPA GƆD advays dɛn fɔ le ambush biɛn di siti.

Jɔshwa 8:2 Referans Kwoze

Ditarɔnɔmi 20:14

Bɔt i tɛl dɛn se dɛn nɔ fɔ kil di uman dɛn ɛn di lili pikin dɛn, ɛn dɛn fɔ tek dɛn kaw ship ɛn got dɛn ɛn ɔltin we de na di siti fɔ dɛnsɛf. Mozis tɛl dɛn igen se dɛn fɔ ɛnjɔy dɛn ɛnimi dɛn prɔpati dɛn we PAPA GƆD we na dɛn PAPA GƆD go gi dɛn.

Prɔvabs 13:22

Gud papa de day lɛf prɔpati fɔ in pikin ɛn grampikin dɛn, as fɔ bad pɔsin, na udat raychɔs go ɛnjɔy in prɔpati.

2 Kronikuls 20:22

Wɛn dɛn bigin siŋ ɛn prez, PAPA GƆD mek ambush fɔ di man dɛn na Amɔn, Moab ɛn Idɔm we bin kam fɔ fɛt Juda, we mek dɔn ɔl fɛt dɛnsɛf.

Jɔshwa 6:21

Dɛn nyakanyaka Jɛriko bad bad wan. Dɛn chap ɔlman wit dɛn sɔd; man o, uman o, pikin o, kaw o, ship o, dɔŋki o, dɛn nɔ lɛf nɔbɔdi.

Jɛrimaya 51:12

Una gi sayn fɔ atak di wɔl dɛm na Babilɔn, una put mɔ gyadman dɛm; una put man dɛm fɔ wach; una rɛdi fɔ di ambush dɛm; bikɔs PAPA GƆD dɔn mek in plan dɔn fɔ wetin i bin tɔk bɔt di pipul dɛm we tap na Babilɔn.

Jɛrimaya 17:11

Di pɔsin we de gɛt mɔni di rɔŋ we tan lɛk bush fɔl we de ach eg we i nɔ le, tɛm go kam we dɛn go lɛf am go, ɛn i go kan tɔn fulman in di ɛnd.

Prɔvabs 28:20

Ɔnɛs pɔsin go gɛt blɛsin, bɔt udat de kapu-kapu fɔ gɛda jɛntri nɔ go bɛtɛ.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

2 Kronikuls 13:13

Jɛroboam bin dɔn sɛn dɛn rawnd go le ambush biɛn dɛn; so in yon man dɛn bin de frɔnt Juda ɛn di ambush bin de biɛn dɛm.

Jɔshwa 10:28

Da sem de de, Jɔshwa ɛn in man dɛn kapchɔ Makɛda ɛn kil ɔl di pipul dɛn ɛn trit dɛn kiŋ jɔs lɛk aw dɛn bin trit di Jɛriko kiŋ. Wan pɔsin nɔ bin lɛf.

Jɔshwa 10:1

Ɔl datɛnde, na Adonayzɛdɛk na kiŋ na Jerusɛlɛm. We i yɛri se Jɔshwa ɛn di Izrɛlayt dɛn dɔn kapchɔ ɛn nyakanyaka Jɛriko ɛn Ay, ɛn kil dɛn kiŋ dɛn, ɛn bɔt aw di Gibɛɔnayt dɛn dɔn mek pis wit Izrɛl,

Jɔshwa 8:24

We di Izrɛlayt dɛn dɔn kil di Ay sojaman dɛn we bin de rɔnata dɛn dɔn na di ɛmti land we pɔsin nɔ go ebul tap, dɔn ɔl tɔn bak go na Ay go kil ɔl udat bin de de.

Jɔshwa 8:19

We Jɔshwa pɔynt in spia to Ay, di sojaman dɛn we bin le ambush, rɔn go insay di siti, kapchɔ am ɛn dɛn nɔ wɛstɛn fɔ layt kwik.

Jɔshwa 8:14

We di kiŋ na Ay si di Izrɛlayt dɛn, i tek in sojaman dɛn kwik kwik fɔ go fɛt dɛn ɔpozit di vali; i nɔ bin no se di Izrɛlayt dɛn bin dɔn le ambush biɛn in siti.

Jɔshwa 8:12

Jɔshwa mek fayv tawzin sojaman ayd na di wɛst pat fɔ go na di siti, dat na bitwin Bɛthɛl ɛn Ay.

Jɔshwa 8:9

Nain Jɔshwa mek dɛn go le di ambush bitwin Bɛthɛl ɛn Ay, dat na di wɛst say na Ay, ɛn in bin de wit di ɔda pipul dɛn ol nɛt.

Jɔshwa 8:7

Jɔshwa se, datɛnde, di tati tawzin traŋa sojaman dɛn fɔ kɔmɔt na dɛn ambush ɛn kapchɔ di siti. I se lɛ dɛn nɔ fred bikɔs PAPA GƆD we na dɛn PAPA GƆD go mek dɛn kapchɔ di siti.

Ditarɔnɔmi 3:2

I se nain PAPA GƆD tɛl am se lɛ dɛn nɔ fred Kiŋ Ɔg. PAPA GƆD dɔn gi dɛn to Izrɛl lɛ dɛn du dɛn wetin dɛn bin du Kiŋ Sayɔn, da Amɔrayt Kiŋ we bin de Ɛshbɔn.

Jɔshwa 8:3

So Jɔshwa kɛr ɔl di sojaman dɛn go na Ay. I pik tati tawzin traŋa sojaman dɛn we go le ambush na nɛt.

Jɔshwa 8:8

I se we dɛn kapchɔ di siti, dɛn fɔ layt am bikɔs na so PAPA GƆD se. I wɔn dɛn lɛ dɛn nɔ mistek du ɔda tin.

Ditarɔnɔmi 2:35

pas di kaw ɛn got dɛn tek fɔ dɛnsɛf ɛn di ɔda tin dɛn we dɛn tek na dɛn siti dɛn.

Jɔshwa 9:3

Bɔt we di Ivayt pipul dɛn we de na Gibɛɔn yɛri wetin Jɔshwa dɛn du na Jɛriko ɛn Ay,

Jɔshwa 11:14

Na dɛn siti dɛn de we dɛn nɔ bɔn, di Izrɛlayt dɛn kil ɔl di pipul dɛn we wan nɔ lɛf ɛn tek ɔl dɛn tin dɛn ɛn dɛn animal dɛn.