Jɔshwa 8:15 - Krio Fɔs Oli Baybul

¹⁵ Nain Jɔshwa ɛn di Izrɛlayt sojaman dɛn mek lɛkɛ se dɛn fred di Ay Fɛtman dɛn, ɛn rɔn de go lɛkɛ we yu wan go na di Jɔdan Vali.

Jɔshwa 8:15 Referans Kwoze

Jɔshwa 18:12

Dɛn bawndri na di nɔth bigin na Riva Jɔdan. Dɔn i go ɔp to Jɛriko, go ɔp na di wɛst say na di Kɔntri dɛn we de ɔp il ɛn go tap na di ɛmti ples we pɔsin nɔ go ebul tap we de nia Bɛthavɛn Siti.

Di Jɔj Dɛm 20:36

So di Bɛnjaminayt dɛnsɛf si se dɛn dɔn lɔs di fɛt. Di Izrɛlayt dɛn bin mek lɛk dɛn de rɔnawe pan di Bɛnjaminayt dɛn bikɔs dɛn bin biliv dɛn man dɛn we bin sɛt ambush na Gibia.

Jɔshwa 16:1

Di sawt bawndri na di nɔth na di land we PAPA GƆD gi Josɛf in jɛnareshɔn bigin na di ist say usay wata de kɔmɔt ɔnda grɔn we dɛn kɔl Jɛriko Spriŋ we de nia Riva Jɔdan. Di bawndri kɔmɔt Jɛriko na di nɔth wɛst go na di ɛmti ples we pɔsin nɔ go ebul tap, go ɔp di kɔntri dɛn na di il ɛn go as fa as Bɛthɛl.

Jɔshwa 15:61

Na siks siti mek ɔp di nɔmba ilɛvin distrikt. Dɛn de na flat grɔn ɛn di distrikt wayd as fa as Riva Jɔdan ɛn as fa as af ɔf di waf na di wɛst pat na Rɛd Si. Na di ɛmti ples we pɔsin nɔ go ebul tap yu gɛt, Bɛth Araba, Midin, Sɛkaka

Jɔshwa 8:14

We di kiŋ na Ay si di Izrɛlayt dɛn, i tek in sojaman dɛn kwik kwik fɔ go fɛt dɛn ɔpozit di vali; i nɔ bin no se di Izrɛlayt dɛn bin dɔn le ambush biɛn in siti.

Di Jɔj Dɛm 20:42

So di Bɛnjaminayt dɛn rɔn lɛk dɛn de go na di ɛmti ples we pɔsin nɔ go ebul tap, bɔt di fɛt mɔna dɛn; di Izrɛl sojaman dɛn we bin go bɔn dɛn siti, bɔs bifo dɛn ɛn kil dɛn ɔl.