Jɔshwa 7:25 - Krio Fɔs Oli Baybul

²⁵ We dɛn kɛr dɛn go de, nain Jɔshwa se, bikɔs i dɔn gi dɛn waala, PAPA GƆD insɛf go gi an waala. Nain di pipul dɛn ston Ekan ɛn in pikin dɛn te dɛn day; dɔn dɛn bɔn dɛn wit ɔl dɛn prɔpati dɛn.

Jɔshwa 7:25 Referans Kwoze

Jɔshwa 6:18

Jɔshwa wɔn di pipul dɛn lɛ dɛn nɔ tek natin pan di tin dɛn na di siti we dɛn dɔn se dɛn go sakrifays to PAPA GƆD, lɛ trɔbul nɔ go mit dɛn.

1 Kronikuls 2:7

Kami in bɔypikin dɛn: Ekan we na di pɔsin we briŋ trɔbul na Izrɛl, we i bin tek di tin dɛn we PAPA GƆD bin se fɔ bɔn.

Ditarɔnɔmi 17:5

dɛn fɔ kɛr di man ɔ di uman we dɔn du da bad bad tin de go na do pas di get fɔ kam insay di siti, ɛn ston am te i day.

Lɛvitikɔs 24:14

fɔ tek di man kɔmɔt insay di kamp; dɔn ɔl udat yɛri am we i de swɛ fɔ le dɛn an pantap in ed ɛn di ɔda Izrɛlayt dɛn we de rawnd de fɔ ston am te i day.

Lɛvitikɔs 20:2

mek i tɛl di Izrɛlayt dɛn se, ɛni Izrɛlayt ɔ trenja we de na Izrɛl, we de gi in pikin fɔ sakrifays to Molɛk, dɛn fɔ kil am; di ɔda pipul fɔ ston am te i day.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Sɛkɛn Lɛta Fɔ Tɛsalonayka 1:6

Gɔd go du wetin rayt: dɛn pipul we de mek una sɔfa, Gɔd go mek dɛnsɛf sɔfa,

Lɛta Fɔ Galeshya 5:12

A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

Jɔshwa 7:15

Di pɔsin we dɛn go kech wit di tin dɛn we PAPA GƆD bin dɔn se dɛn fɔ nyakanyaka, dɛn go bɔn in, in wɛf ɛn pikin dɛn ɛn ɔl dɛn prɔpati na faya bikɔs i dɔn pwɛl di agrimɛnt we dɛn mek wit PAPA GƆD ɛn dɔn mek Izrɛl dɔn shem na di wɔl.

Ditarɔnɔmi 21:21

As dɛn tɔk dat so, ɔl di man dɛn we de na di siti fɔ ston am te i day. I se, dat go mek dɛn go de pul di bad tin dɛn kɔmɔt na Izrɛl, bikɔs, we pipul dɛn yɛri se dɛn kayn tin dɛn de apin, dɛn go de fred fɔ du bad.

Ditarɔnɔmi 13:10

ɛn dɛn fɔ ston am te i day, bikɔs i bin wan pul di pɔsin kɔmɔt biɛn PAPA GƆD we na dɛn PAPA GƆD, we pul dɛn kɔmɔt pan slev layf na Ijipt.

Lɛvitikɔs 21:9

If di man we de mek sakrifays fɔ pipul sin in gyal pikin disgres insɛf ɛn biev lɛk rare gyal fɔ go wɔship ɔda gɔd ɛn disgres in papa, na fɔ bɔn am na faya.

Lɛvitikɔs 20:14

If man mared uman dɔn we i dɔn, i kip in mama, na bad bad tin da wande; dɛn fɔ bɔn dɛn ɔltu na faya ɛn dat go mek nɔbɔdi nɔ dat igen

Jɛnɛsis 38:24

Afta tri mɔnt sɔmbɔdi tɛl Juda se in dɔtɛnlɔ dɔn tɔn rare gyal, ɛn i dɔn gɛt bɛlɛ. Nain Juda gi ɔda se, mek dɛn kɛr am go na do ɛn bɔn am na faya.

Jɛnɛsis 34:30

Jekɔb tɛl Simiɔn ɛn Livay se dɛn dɔn put am pan waala. I se di Kenanayt dɛn, di Pɛrizayt dɛn, ɛn ɔlman we de na di kɔntri nɔ go luk am wit bɛtɛ yay. I se dɛn nɔ bɔku ɛn if di pipul dɛn disayd fɔ fɛt dɛn, dɛn go dɔnawe wit dɛn.

1 Samiɛl 14:29

Jonɛthan se nain papa fɛn di trɔbul we de na di kɔntri. I se in we na lili ɔni nɔmɔ i tes, dɔn gɛt mɔ trɛnk.

Ditarɔnɔmi 13:11

We dɛn ston wan pɔsin, ɔlman go fred we dɛn yɛri, so nɔbɔdi na Izrɛl nɔ go gɛt maynd fɔ du da kayn tin de igen

Prɔvabs 1:19

Udat de tif, na so i de ɛnd; na shɔt layf i de gɛt.

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.